Թրամփը հաստատել է, որ հենց ինքն է «հավանաբար հրահրել Իսրայելին» հարվածներ հասցնել Իրանին

ԱՄՆ նախագահ Դոնալդ Թրամփը Գերմանիայի կանցլեր Ֆրիդրիխ Մերցի հետ հանդիպումից հետո հայտարարել է, որ ԱՄՆ-Իսրայել համատեղ գործողության արդյունքում Իրանին պատճառված վնասը «շատ մեծ է»։ Թրամփը հաստատել է, որ հենց ինքն է «հավանաբար հրահրել Իսրայելին» հարվածներ հասցնել Իրանին, այլ ոչ թե հակառակը։

«Ոչ, հավանաբար ես եմ հրահրել Իսրայելին,- ասել է նա՝ պատասխանելով լրագրողների հարցերին։ -Մենք բանակցություններ էինք վարում այդ խելագարների հետ, և իմ մոտ կարծիք էր ձևավորվել, որ նրանք առաջինը կհարձակվեն մեզ վրա։ Ես չէի ուզում, որ դա տեղի ունենա։ Հետևաբար, եթե մեկը մեկին ինչ-որ բանի է հրահրել, ապա դա ես էի»։ Նախագահը նշել է, որ գործողության ընթացիկ արդյունքներով «գրեթե ամեն ինչ ոչնչացվել է»։

Թրամփին հարցրել են նաև, թե որն է վարչակազմի կողմից նախատեսված «ամենավատ սցենարը»։ «Կարծում եմ՝ ամենավատ տարբերակը կլինի, եթե մենք դա անենք, իսկ հետո իշխանության գա մեկը, ով կլինի նույնքան վատ, որքան նախորդը, ճի՞շտ է»,- ասել է նա՝ նկատի ունենալով Իրանի գերագույն առաջնորդ Ալի Խամենեիին, ով սպանվել էր հակամարտության առաջին օրը ավիահարվածի հետևանքով։

Թրամփը պարզաբանել է, որ Իրանի գերագույն առաջնորդի տեղը կարող էին զբաղեցնել մարդիկ, որոնց մեծ մասն արդեն մահացած է։ «Շուտով մենք ընդհանրապես ոչ ոքի չենք ճանաչի»,- հավելել է նա։

Այս թեմայով ԱՄՆ-ն ցանկանում է զինել Իրաքի քրդերին՝ Իրանում ապստամբություններ հրահրելու համար Ավելի քան 50,000 ամերիկացի զինվորներ ներգրավված են Իրանի դեմ պատերազմում ԱՄՆ զինվшծ ուժերը ոչնչшցրել են իրանական 17 ռազմшկան նավ, այդ թվում՝ մեկ սուզանավ. Բրեդ Քուփեր Միացյալ Նահանգներն Իրանին ավելի քան 1700 հարված է հասցրել Թրամփին ներկայացվել են Իրանի դեմ հնարավոր ռազմական գործողությունների տարբերակները