Ադրբեջանը, Թուրքիան և Իրանը ՄԱԿ-ի ԳԱ-ում կողմ կքվեարկեն Երուսաղեմի կարգավիճակը չճանաչող բանաձևին. Մամեդյարով
Ադրբեջանը, Թուրքիան և Իրանը ՄԱԿ-ի Գլխավոր ասամբլեայում կողմ կքվեարկեն Երուսաղեմի կարգավիճակը չճանաչող բանաձևին։ Այս մասին հայտարարել է Ադրբեջանի արտաքին գործերի նախարար Էլմար Մամեդյարովը Բաքվում թուրք և իրանցի գործընկերների հետ կայացած եռակողմ հանդիպման ավարտին, գրում է ադրբեջանական minval.az կայքը:
«Մենք քննարկեցինք Երուսաղեմի հարցն ու դրա վերաբերյալ ԱՄՆ որոշումը: Ադրբեջանը, Իրանն ու Թուրքիան չեն կարող ընդունել Երուսաղեմի վերաբերյալ ԱՄՆ որոշումը: Մենք պայմանավորվեցինք կողմ քվեարկել ՄԱԿ-ի բանաձևի նախագծին», - ասել է Մամեդյարովը լրագրողների հետ զրույցում:
Բացի այդ՝ Թուրքիայի արտգործնախարար Մևլութ Չավուշօղլուն հանդիպման ընթացքում հայտարարել է, որ ԱՄՆ որոշումը սխալ է, և Թուրքիան աջակցում է «պաղեստինցի եղբայրներին»:
Հիշեցնենք, որ ՄԱԿ-ի Գլխավոր ասամբլեայի հատուկ նիստը, որում կքննարկվի Երուսաղեմի հարցով բանաձևի նախագիծը, կկայանա դեկտեմբերի 21-ին:
Ավելի վաղ ԱՄՆ-ն արգելափակել է ՄԱԿ-ի Անվտանգության խորհրդի բանաձևի ընդունումը, որը չի ճանաչում Երուսաղեմի կարգավիճակը: Քվեարկության արդյունքում փաստաթուղթը 14 կողմ ձայն է ստացել: ԱՄՆ-ն`որպես Անվտանգության խորհրդի մշտական անդամ, օգտագործել է վետոյի իր իրավունքը:
ԱՄՆ նախագահ Դոնալդ Թրամփը դեկտեմբերի սկզբին ճանաչել է Երուսաղեմը որպես Իսրայելի մայրաքաղաք և հաստատել ԱՄՆ դեսպանատունն այնտեղ տեղափոխելու ծրագիրը:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Դրամն արժևորվում է՝ գները դրամով թանկանում․ ինչո՞ւ
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...