ԱՄՆ-ն և Ուկրաինան Ժնևում քննարկել են տնտեսությունը և անվտանգության երաշխիքները
ԱՄՆ-ի և Ուկրաինայի ներկայացուցիչները Ժնևում փետրվարի 26-ին կայացած հանդիպմանը քննարկել են անվտանգության երաշխիքները և տնտեսական հարցեր։ «Արմենպրես»-ի փոխանցմամբ՝ այս մասին հայտարարել է Ուկրաինայի ազգային անվտանգության և պաշտպանության խորհրդի քարտուղար, ուկրաինական պատվիրակության ղեկավար Ռուստեմ Ումերովը։
«Հաջորդ փուլը նախապատրաստվում է։ Մենք աշխատում ենք, որպեսզի վերջնական տեսքի բերենք անվտանգության պարամետրերը, տնտեսական լուծումները և համաձայնեցված դիրքորոշումները, որոնք պետք է հիմք հանդիսանան հետագա համաձայնությունների համար։ Խնդիրն է այնպես անել, որ ԱՄՆ-ի և Ռուսաստանի մասնակցությամբ հաջորդ եռակողմ հանդիպումը լինի հնարավորինս բովանդակալից։ Հատուկ ուշադրություն է դարձվել տնտեսական բլոկին և Ուկրաինային աջակցության երկարաժամկետ մեխանիզմներին», - գրել է Ումերովը Telegram-ում։
Նա հավելել է, որ կառավարության տնտեսական թիմի և ամերիկացի գործընկերների հետ միասին հանգամանորեն մշակվել է Ուկրաինայի վերականգնման վերաբերյալ փաստաթուղթ։ Թիմերը կշարունակեն ավելի մանրամասն աշխատել փաստաթղթի վրա, մասնավորապես՝ կապված ապագա վերակառուցման և ներդրումային ծրագրի հետ։
Ռուստեմ Ումերովը նաև հայտնել է, որ Ժնևում ուկրաինական պատվիրակությունը նախ առանձին հանդիպել է ամերիկյան կողմի հետ, այնուհետև եռակողմ հանդիպում անցկացրել ԱՄՆ-ի և Շվեյցարիայի մասնակցությամբ։
Այս հանդիպումներից հետո ուկրաինական պատվիրակությունն ամերիկյան կողմի ներկայացուցիչների՝ Սթիվ Ուիթքոֆի և Ջարեդ Քուշների հետ համատեղ զրույցել է Ուկրաինայի նախագահ Վոլոդիմիր Զելենսկու հետ՝ հանդիպման արդյունքների և հետագա քայլերի վերաբերյալ։
Առաջիկա օրերին սպասվում է եռակողմ հանդիպում՝ Ռուսաստանի մասնակցությամբ։
Կա վտանգ՝ մսխեն մեր տղերքի թափած արյան վրա ստեղծված խաղաղությունը․ վե՛րջ տվեք մանկական խաղերին
Նախկին դատախազը ինքնասպանություն է գործել՝ նետվելով կամրջից
ՀՀ պաշտպանության նախարարը Իրանի ԶՈՒ ԳՇ պետի հետ քննարկել է տարածաշրջանային անվտանգությանը վերաբերող ...
Էպշտեյնը գաղտնի պահեստային տարածք է վարձակալել՝ լուսանկարներն ու համակարգիչները իշխանություններից թա...
Ովքե՞ր եք դուք. Սպերցյանը պատմել է տրանսֆերային պատուհանի վերջին օրվա տարօրինակ զանգի մասին
ԱՄՆ-ի կողմից Իրանի վրա ռшզմական հшրված հասցնելու որոշումն արդեն կայացվել է․ ԿՀՎ նախկին գործակալ
ՀՀ պաշտպանության նախարարը հանդիպել է Իրանի նախագահի հետ
Չորս ոստիկան ազատվել է աշխատանքից (տեսանյութ)
ԵՄ-ն նախատեսում է Հայաստանում տեղակայել նոր՝ «հիբրիդային արագ արձագանքման խումբ»
Սևամորթները նրան որպես հոր են նայում. Ֆերդինանդը պաշտպանել է Մոուրինյուին՝ Վինիսիուսի հետ կապված միջ...