Մոտ օրերս կհայտնվեմ վրացական բանտերից մեկում. Սահակաշվիլի

«Նախագահ Պորոշենկոն վերջնական որոշում է կայացրել»,- ասել է Վրաստանի երրորդ նախագահ Միխայիլ Սահակաշվիլին՝ անդրադառնալով իր հնարավոր արտահանձնմանը։

Ուկրաինական News One հեռուստաընկերության եթերում «Նոր ուժերի շարժման» առաջնորդը հայտարարել է, որ չնայած արևմտյան դիվանագետների զգուշացումներին՝ Ուկրաինայի նախագահն արդեն բանակցել է Վրաստանի իշխանությունների հետ և մի քանի օրից իրեն կձերբակալեն ու կարտահանձնեն։

«Ինչպես հասկանում եմ, Պորոշենկոն, չնայած արևմտյան դիվանագետների խիստ նախազգուշացումներին, ինձ Վրաստանին արտահանձնելու վերջնական որոշում է կայացրել։ Նա բանակցել է Վրաստանի օլիգարխիկ իշխանությունների հետ և մի քանի օրից պատրաստվում են ինձ ձերբակալել ու արտահանձնել»,-ասել է Սահակաշվիլին։

Նա ընդգծել է, որ Վրաստանում սուտ մեղադրանքների հիման վրա մոտ օրերս վճիռ են կայացնելու։

«Ամենայն հավանականությամբ, մոտ օրերս կհայտնվեմ վրացական բանտերից մեկում, սակայն ժողովուրդը իշխանափոխության և արտահերթ ընտրությունների պահանջով պետք է դուրս գա փողոց»,- հայտարարել է Միխայիլ Սահակաշվիլին՝ իր աջակիցներին կոչ անելով շարունակել ցույցերը։

Աղբյուրը՝ aliq.ge

Այս թեմայով Իվանիշվիլիի ռեժիմը խոչընդոտում է Հայաստանի և Ադրբեջանի միջև հարաբերությունների կարգավորմանը. Սահակաշվիլի Սաակաշվիլին մեղադրել է Վրաստանի իշխանություններին՝ Արևմուտքի, ՀՀ-ի և Ադրբեջանի հետ հարաբերությունները փչացնելու մեջ Հայաստանի և Ադրբեջանի մասնակցությամբ պատմական իրադարձություն տեղի կունենա. Սաակաշվիլի Երրորդ համաշխարհային պատերազմն արդեն սկսվել է. Սաակաշվիլի «Իմ աշխատավարձն ամսական 10 հազար դոլար է, և ես կարող եմ ինձ թույլ տալ նման տուն»․ Սաակաշվիլիի մայրը պատասխանել է քննադատություններին (տեսանյութ)