Էրդողան, ինձ դիպլոմդ ցույց տուր, նոր Լոզանի պայմանագրից խոսա. թուրք կուսակցապետ

Թուրքիայի ընդդիմադիր «Ժողովրդահանրապետական» (CHP) կուսակցության առաջնորդ Քեմալ Քըլըչդարօղլուն արձագանքել է հունաստանյան այցի ժամանակ նախագահ Էրդողանի հայտարարություններին կապված Լոզանի պայմանագրի վերաձեւակերպման անհրաժեշտության մասին։

Թուրքական BirGun–ի փոխանցմամբ՝ CHP–ի առաջնորդ Քեմալ Քըլըչդարօղլուն, անդրադառնալով Էրդողանի կողմից Լոզանի պայմանագրի հետ կապված հայտարարությանը, ասել է, թե ողջունելի է, որ նախագահը զարգացնում է Հունաստանի հետ բարեկամական հարաբերությունները, սակայն ինչ իրավունքով է խոսել Լոզանի պայմանագրից։ «Լոզանի հետ կապված քննարկում ծավալելու համար նախ դիպլոմդ ցույց տուր ինձ։ Ինչպե՞ս ես գնում օտար երկիր ու իմ երկրի սահմանները քննարկման առարկա դարձնում»,–ասել է Քեմալ Քըլըչդարօղլուն։

Նշենք, որ Թուրքիայի նախագահ Ռեջեփ Թայիփ Էրդողանը Հունաստան կատարած այցի ժամանակ հայտարարել էր, թե Լոզանի պայմանագիրը պետք է վերաձեւակերպվի։ Նա որպես թերություն շեշտել էր, թե իբր Թրակիայում մուսուլմանները չեն կարողանում մզկիթ կառուցել։

Հիշեցնենք, որ Լոզանի պայմանագիրը նաեւ ներառում է Թուրքիայում ազգային ու կրոնական փոքրամասնությունների իրավունքների պաշտպանություն, ինչը երկար տարիներ խախտվել է հենց Թուրքիայում։

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին