Վիետնամն ԱՄՆ-ին է փոխանցել պատերազմի տարիներին կորած զինծառայողների աճյունները․ VnExpress

Վիետնամը Միացյալ Նահանgներին է փոխանցել ենթադրաբար ամերիկացի զինծառայողներին պատկանող աճյունների մի խմբաքանակ, որոնք անհայտ կորած են համարվել Հնդկաչինի պատերազմի ժամանակվանից ի վեր։ Այս մասին հայտնել է տեղական VnExpress լրատվական պորտալը։

Անհայտ կորած ԱՄՆ քաղաքացիների աճյունների որոնման և վերադարձման ուղղությամբ փոխգործակցությունը սկսվել է 1973 թվականի հունվարի 27-ին Հնդկաչինի վերաբերյալ Փարիզի խաղաղության համաձայնագրերի ստորագրումից կարճ ժամանակ անց։ Անցած տարիների ընթացքում Վիետնամը Միացյալ Նահանգներին է փոխանցել ավելի քան հազար աճյուն և օգնել է նույնականացնել վիետնամական պատերազմի ժամանակ անհայտ կորած համարվող 1,9 հազար զինծառայողներից ավելի քան 730-ին։

Վիետնամում ամերիկյան ռազմական ագրեսիայի տարիներին զոհվել է 3 միլիոն վիետնամցի, ավելի քան 4 միլիոնը դարձել են հաշմանդամ կամ վիրավորվել ԱՄՆ բանակի կողմից կիրառված բարձր թունավորմամբ օժտված քիմիկատներից։