Մարդու իրավունքների պաշտպան Անահիտ Մանասյանի ուղերձը՝ Հաշմանդամություն ունեցող անձանց միջազգային օրվա առթիվ
Մարդու իրավունքների պաշտպան Անահիտ Մանասյանի ուղերձը՝ Հաշմանդամություն ունեցող անձանց միջազգային օրվա առթիվ
«Դեկտեմբերի 3-ն ամբողջ աշխարհում նշվում է որպես հաշմանդամություն ունեցող անձանց միջազգային օր՝ ընդգծելու նրանց իրավունքների լիարժեք իրացման կարևորությունը։
Այս առիթով ցանկանում եմ ընդգծել պետության պարտավորությունը՝ ապահովելու հաշմանդամություն ունեցող անձանց՝ կյանքի բոլոր ոլորտներում հավասար իրավունքների երաշխավորումը, ինչպես նաև նրանց լիարժեք մասնակցությունն ու ներառումը հասարակական կյանքում։
Մարդու իրավունքների պաշտպանի մշտադիտարկումները փաստում են, որ ոլորտում դեռևս առկա են համակարգային խնդիրներ, որոնք պարբերաբար արտացոլվում են Պաշտպանի զեկույցներում, հայտարարություններում, ինչպես նաև բարձրաձայնվում են պետական և միջազգային գործընկերների հետ հանդիպումների ընթացքում։
Կարևոր է, որ պետության բոլոր որոշումներներն ու գործողությունները հիմնվեն այնպիսի սկզբունքների վրա, ինչպիսիք են՝ հաշմանդամություն ունեցող անձանց արժանապատվության հարգումը, զարգացման ու ինքնուրույն որոշումներ կայացնելու հնարավորությունների ապահովումը, հասարակական կյանքում հավասար ներգրավվածության և միջավայրի մատչելիության երաշխավորումը։
Կարևոր եմ համարում ընդգծել նաև, որ յուրաքանչյուր քայլ՝ ուղղված ներառական հասարակության ձևավորմանը, ոչ միայն վկայում է անհատի արժանապատվության նկատմամբ հարգանքի մասին, այլ նաև ամրապնդում է հանրային համերաշխությունը՝ հասարակական միջավայրը դարձնելով հոգատար և հավասար:
Ցանկանում եմ հատուկ ընդգծել, որ հաշմանդամություն ունեցող անձանց իրավունքների պաշտպանությունն ու երաշխավորումը յուրաքանչյուրիս հավաքական պատասխանատվությունն է, և պետք է կարողանանք անել առավելագույնը ոլորտը միջազգային չափանիշներին համապատասխան կատարելագործելու համար»։
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Գարեգին Երկրորդի եղբոր կալանքը 2 ամսով երկարաձգվեց
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Էստոնիան այս տարի պլանավորում է դեսպանություն բացել Երևանում
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...