Նախարարը բացառում է պապիլոմա վիրուսի դեմ պատվաստանյութի բացասական ազդեցությունը
«Առանձին մի երկիր չի տրամադրել պապիլոմա վիրուսի դեմ պատվաստանյութը և ստիպում այն պարտադիր դարձնել Հայաստանում», «Ազատության» «Ֆեյսբուքյան ասուլիս» հաղորդման ժամանակ ասաց առողջապահության նախարար Լևոն Ալթունյանը՝ ի պատասխան օգտարարերից մեկի հարցին։
Օգտատերը հարցնում էր՝ «երբ տարիներ առաջ գրիպի ծանր հետևանքներից մեկը տարածվել էր Հայաստանում, արևմտյան երկրներից մեկը կամ գուցե կազմակերպություն, պատվաստանյութ էր տրամադրել ու փորձում էր պարտադրել անցնել պարտադիր պատվաստում։ Այդ ժամանակ լրագրողի հարցին, թե «ինչո՞ւ ժողովրդին չեք պատվաստում այդ դեղով», հեռուստաեթերից նախարարը, կարծեմ Քուշկյանն էր, պատասխանեց՝ «մենք փոքր ազգ ենք, և շատ ռիսկային է նոր և պրակտիկայում չկիրառված դեղամիջոցով պատվաստել ողջ ազգին»։ Եթե ձեզանից առաջ նախարարները չեն գնացել այս քայլին և ասել են, որ փոքր ազգ ենք փորձարարությունների համար, ապա Դուք ի՞նչ ռիսկով եք «Գարդասիլը» ներմուծում Հայաստան»։
Ալթունյանը նշեց, որ Հայաստանն այսօր ունի Առողջապահության համաշխարհային կազմակերպության խորհուրդը, դիրքորոշումն, ինչպես նաև կազմակերպության տասնամյա հետազոտությունն այս պատվաստանյութի վերաբերյալ։
«Կանխելով բոլոր հարցերը «Գարդասիլի» վերաբերյալ՝ պետք է ասեմ, որ «Գարդասիլի» այս պարտիան, որը ներմուծվել է Հայաստան, մինչ ներմուծվելն անցել է հետազոտություն Հոլանդիայում և ստացել է սերտեֆիկատ՝ համապատասխանատության, կենսաբանական անվտանգության։ Սա խոսում է նրա մասին, որ ոչ միայն Համաշխարհային առողջապահական կազմակերպությունն է սա որպես գործելակարգ ներդրել, այլև Հայաստանն էլ է անցկացրել լրացուցիչ անվտանգության հետազոտություն», - ասաց Ալթունյանը։
Նախարարը բացառեց պատվաստանյութի բացասական ազդեցությունը։ «Իր ստատիստիկ տվյալներից ոչ մի այլ ազդեցություններ չեն հայտնաբերվել, իսկ ստատիստիկ տվյալները խոսում են նրա մասին, որ մաքսիմալ երկրորդական ազդեցությունը կարող է արտահայտվել սրսկման հատվածում ցավի տեսքով», ճ ասաց Ալթունյանը։
Նշենք, որ ըստ մասնագետների, մարդու պապիլոմա վիրուսն արգանդի վզիկի քաղցկեղի առաջացման հիմնական պառճառներից մեկն է։ Պաշտոնական տվյալներով՝ քաղցկեղային հիվանդությունների տարածվածության առումով արգանդի վզիկի քաղցկեղը Հայաստանում երկրորդ տեղում է։ Դրա տարածումը կանխելու նպատակով՝ 9-ից 13 տարեկան աղջիկները դեկտեմբերի 11-ից կսկցեն պատվաստվել պապիլոմա վիրուսի վարակի դեմ։ Այս պատվաստման շուրջ տարատեսակ քննարկումներ ծավալվեցին։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները