Թուրքիան սպառնում է խզել դիվանագիտական կապերն Իսրայելի հետ

Թուրքիան սպառնում է խզել դիվանագիտական կապերն Իսրայելի հետ, եթե Միացյալ Նահանգները պաշտոնապես Երուսաղեմը ճանաչի որպես այդ երկրի մայրաքաղաք: «Երուսաղեմը կարմիր գիծ է մահմեդականների համար»,- այսօր հայտարարել է նախագահ Ռեջեփ Էրդողանն իր կուսակիցների հետ հանդիպման ժամանակ:

«Ուզում եմ վերահաստատել իմ վրդովմունքը ԱՄՆ-ից ստացվող հաղորդումների հետ կապված, ըստ որոնց՝ Վաշինգտոնը պատրաստվում է ճանաչել Երուսաղեմը որպես Իսրայելի մայրաքաղաք: Հորդորում ենք Վաշինգտոնին նման բան չանել, հակառակ դեպքում մենք Ստամբուլում Իսլամական համագործակցության երկրների հավաք կհրավիրենք»,- ասել է Թուրքիայի ղեկավարը:

Ամերիկյան կողմը չի բացառում, որ նախագահ Թրամփն արդեն վաղը կարող է հայտարարություն տարածել այս զգայուն հարցի վերաբերյալ: Նախընտրական շրջանում նա բազմիցս է հայտարարել, որ Սպիտակ տուն գալով՝ Միացյալ Նահանգների դեսպանատունը Թել Ավիվից Երուսաղեմ է տեղափոխելու: Հիսուն տարի առաջ Իսրայելը բռնակցել է Երուսաղեմը և այն հռչակել մայրաքաղաք, ինչը միջազգային հանրությունը հրաժարվում է ընդունել: Պաղեստինցիները Երուսաղեմը համարում են իրենց ապագա պետության մայրաքաղաքը:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին