ԱՄՆ-ում փողերի լվացման համար մեղադրվող գործարարը խոստովանել է Էրդողանի հետ կապի մասին
ԱՄՆ-ում ձերբակալված Թուրքիայի քաղաքացի, իրանական ծագմամբ խոշոր գործարար Ռըզա Սարաֆը, որն ընդունել է իրեն առաջադրված մեղադրանքներն ու կանգնել ամերիկյան դատարանի առաջ, առաջին անգամ խոստովանել է Թուրքիայի նախագահ Ռեջեփ Թայիփ Էրդողանի կողմից աջակցություն ստանալու ու նրա հետ անմիջական համագործակցության մասին:
Թուրքական «Բիրգյուն» պարբերականն ամբողջությամբ ներկայացրել է իրանցի գործարարի՝ ԱՄՆ-ում կայացած դատական լսումների սղագրությունը:
Նշենք, որ հայտնի գործարարն ԱՄՆ-ում մեղադրվում է ամերիկյան պատժամիջոցներն արհամարհելով Իրանի տնտեսության զարգացմանն աջակցելու փորձերի, ինչպես նաև «կեղտոտ փողերի լվացման» համար անօրինական հիմնադրամների ստեղծման համար: Նրա հետ միասին նույն գործի շրջանակում մեղադրանք է առաջադրված Թուրքիայի էկոնոմիկայի նախկին նախարար Զաֆեր Չաղլայանին:
Սարաֆը խոստովանել է նաև Չաղլայանի հետ կապի ու նրան շուրջ 50 մլն եվրո կաշառք տալու մասին: Նա նմանատիպ գործարքների մեջ է գտնվել նաև Թուրքիայի պետական «Հալքբանկի» ղեկավարության հետ:
Առաջին իսկ դատական լսման ընթացքում Սարաֆը հայտնել է, որ իրենք Թուրքիայից Իրան են արտահանել ոսկի և սննդամթերք՝ հաճախ որպես միջանցիկ տարածք օգտագործելով Դուբայի շուկան: Նախօրեին կայացած երկրորդ դատական նիստի ժամանակ Սարաֆը հայտարարել է, որ Իրանի հետ կապված բոլոր գործարքների մասին հրամաններն ինքը ստացել է անձամբ Էրդողանից, որն այդ ժամանակ զբաղեցնում էր երկրի վարչապետի պաշտոնը:
Դատական նիստի ընթացքում պարզվել է, որ գործարարը նպաստել է Հնդկաստանում, Չինաստանում և Ճապոնիայում Իրանի դեմ պատժամիջոցների մասին օրենքի խախտմանը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է