Կուդրին. «2018-ի նախագահական ընտրություններին մասնակցելու ցանկություն չունեմ»

Ռուսաստանի ֆինանսների նախկին նախարար, «Քաղաքացիական նախաձեռնությունների կոմիտեի» ղեկավար Ալեքսեյ Կուդրինը մտադիր չէ առաջադրվել 2018-ի մարտին կայանալիք նախագահական ընտրություններում: Այդ մասին նա հայտարարել է այսօր լրագրողների հետ զրույցում:

«Այժմ ես այլ դերակատարություն ունեմ», - ասել է Կուդրինը` նշելով, որ վերջին ամիսներին նախագահ Պուտինի համար ծրագիր է մշակում, որը պատրաստվում է անձամբ փոխանցել Ռուսաստանի ղեկավարին:

Կուդրինի առաջադրման մասին տեղեկությունները մոսկովյան մամուլում ի հայտ էին եկել երեկ: Կրեմլին մոտ կանգնած աղբյուրները «Վեդոմոստի»-ի թղթակցին փոխանցել էին, որ նախագահի աշխատակազմում լրջորեն քննարկվել է Կուդրինի հնարավոր առաջադրման հարցը, որը նախընտրական արշավի ընթացքում պետք է հանդես գար ազատական դիրքերից:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)