ՌԴ-ն և Ուկրաինան փոխանակվել են ԱԹՍ-ների կիրառմամբ մասշտաբային հարվածներով

Անցած գիշեր ՌԴ ՀՕՊ համակարգերը որսացել են ուկրաինական 93 անօդաչու թռչող սարք, հայտնել է ՌԴ ՊՆ-ն։ Նրանցից 87-ը որսացել են Կուրսկի, 4-ը՝ Ռոստովի, 2-ը Բելգորոդի մարզի օդային տարածքում, հայտնում է BBC-ն։
Զոհերի և ավերածությունների մասին տեղեկություն չկա։ Ավելի վաղ Ռոստովի մարզի իշխանությունները հայտնել էին Տագանրոգի վրա անօդաչու թռչող սարքի հարձակման մասին։ Վնասվել է երկու բնակելի բազմահարկ շենք:
Մինչդեռ ուկրաինական կողմը հայտնել է, որ չորեքշաբթի գիշերը ռուսական անօդաչու սարքերը գրոհել են Խարկովը: Կան տուժածներ, այդ թվում՝ երեխա, ասել է քաղաքապետ Իգոր Տերեխովը։