Լեհաստանում ձերբակալվել է 56 մարդու երիկամ վաճառելու մեջ մեղադրվող ուկրաինուհին. տուժածների մեջ հայեր էլ կան

35-ամյա կինը ձերբակալվել է Լեհաստանի և Ուկրաինայի միջև երկաթուղային անցումում՝ Ինտերպոլի հարցումով, ասված է Պրժեմիսլի դատախազության խոսնակ Մարտա Պյետկովսկայի հայտարարության մեջ։

Դատախազները չեն հայտնել, թե ինչու կինը անցակետում կալանավորվելու պահին Ղազախստանի բանտում չի եղել, այն դեպքւոմ, երբ նրան դատապարտել են ազատազրկման:

Ինտերպոլը նրան հետախուզում է հայտարարել 2020 թվականի նոյեմբերից։ Ինտերպոլի կարմիր ծանուցումը համաշխարհային իրավապահ մարմիններին ուղղված դիմում է՝ արտահանձնման կամ նմանատիպ իրավական գործողությունների սպասող անձին ժամանակավոր ձերբակալելու համար:

Կինը դատապարտվել է միջազգային կազմակերպված հանցավոր խմբին հանցակից լինելու համար, որը 2017-2019 թվականներին մարդկանցից ապօրինի հյուսվածքներ և օրգաններ է հավաքել և դրանք վաճառել սև շուկայում, հավելել է Պետկովսկայան։

Կինը մեղավոր է ճանաչվել նաև «Ղազախստանում, Հայաստանում, Ադրբեջանում, Ուկրաինայում, Ղրղզստանում, Տաջիկստանում, Ուզբեկստանում և Թաիլանդում 56 զոհերից երիկամներ» անօրինական կերպով ձեռք բերելու և «կատարված հանցագործությունները եկամտի մշտական ​​աղբյուրի վերածելու» մեջ։

Մեղադրող կողմը միջնորդություն է ներկայացրել դատարան՝ մեկ շաբաթով ժամանակավոր կալանք նշանակելու՝ նրան Ղազախստան արտահանձնելու համար։