Հայաստանի արձագանքը լրագրողական արտահայտություններին ՌԴ հեռուստաեթերում տարակուսանք է առաջացնում. Զախարովա

Դիվանագետի խոսքով՝ Մոսկվան հետեւողականորեն խոսում է 2020-2022թթ. ամենաբարձր մակարդակով եռակողմ համաձայնագրերի հիման վրա Հարավային Կովկասում բոլոր տրանսպորտային եւ տնտեսական կապերի համապարփակ ապաշրջափակման մասին։ «Խոսքը Ռուսաստանի, Ադրբեջանի եւ Հայաստանի ղեկավարների՝ 2020թ. նոյեմբերի 9-ի, 2021թ. հունվարի 11-ի հայտարարությունների մասին է։

Կապաշրջափակվեն բոլոր տնտեսական եւ տրանսպորտային հաղորդակցությունները տարածաշրջանում։ Հայաստանի Հանրապետությունը երաշխավորում է Ադրբեջանի արեւմտյան շրջանների եւ Նախիջեւանի Ինքնավար Հանրապետության միջեւ տրանսպորտային հաղորդակցության անվտանգությունը՝ երկու ուղղություններով քաղաքացիների համար տրանսպորտային միջոցների եւ բեռների անարգել տեղաշարժը կազմակերպելու նպատակով։ Տրանսպորտային հաղորդակցությունների նկատմամբ վերահսկողությունն իրականացնում է ՌԴ ԱԴԾ սահմանային ծառայությունը, եւ կողմերի համաձայնությամբ կապահովվի Նախիջեւանի Ինքնավար Հանրապետությունը Ադրբեջանի արեւմտյան շրջանների հետ կապող նոր տրանսպորտային հաղորդակցությունների կառուցումը։

Զախարովան նշել է, որ հենց այս տրամաբանությունն է ընկած եռակողմ աշխատանքային խմբի գործունեության հիմքում ՝ Ռուսաստանի, Ադրբեջանի եւ Հայաստանի փոխվարչապետների նախագահությամբ։ Խմբի շրջանակում հնարավոր եղավ հասնել զգալի գործնական արդյունքների եւ մոտենալ Ադրբեջանի եւ Հայաստանի միջեւ երկաթուղային հաղորդակցության վերականգնմանն ու կազմակերպմանը։

Նա հիշեցրել է, որ եռակողմ աշխատանքային խումբը երբեք չի քննարկել Հայաստանում արտատարածքային միջանցքների ստեղծման հարցը։ Ընդհակառակը, համաձայնություն է ձեռք բերվել, որ երկրներն ունեն ինքնիշխանություն եւ իրավասություն իրենց տարածքով անցնող երթուղիների նկատմամբ. «Ցավոք սրտի, արեւմտականների կործանարար ազդեցության եւ հայկական կողմի որոշման պատճառով, որն աշխատում էր կողմնակի աշխատանքային խմբում, ինչպես գիտեք, նույնպես կանգ  է առել»,- նշել է նա։