Շախմատի աշխարհի առաջնություն. Մանուէլ Պետրոսյանը բարձրացավ 14-րդ տեղ
Իտալիայում ընթացող շախմատի աշխարհի մինչեւ 20 տարեկանների առաջնությունում կայացան 7-րդ տուրի պարտիաները:
Տղաների մրցաշարում հանդես եկող մեր շախմատիստները, ավաղ, միավորներ կորցրին եւ չկարողացան մոտենալ առաջատարներին: Մանուէլ Պետրոսյանն ոչ-ոքի խաղաց հնդիկ գրոսմայստեր Շարդուլ Գագարեի հետ եւ այժմ 5 միավորով զբաղեցնում է 14-րդ տեղը: Այսօր նա սպիտակներով կհանդիպի իրանցի Արյան Ղոլամիի հետ:
Իսկ ահա գրոսմայստեր Հայկ Մ. Մարտիրոսյանը այս տուրում պարտվեց ռուսաստանցի միջազգային վարպետ Սեմյոն Լոմասովին եւ 8-րդ տեղից նահանջեց 24-րդ հորիզոնական: Նա այժմ ունի 4,5 միավոր: Այսօր մեր շախմատիստը սպիտակներով կմրցի արգենտինացի միջազգային վարպետ Թոմաս Սոսայի հետ:
Մեր երրորդ մասնակից Տիգրան Կ. Հարությունյանը չնայած հաղթանակ տարավ 7-րդ տուրում, սակայն 3 միավորով առայժմ գտնվում է 109-րդ հորիզոնականում: Նրա առաջիկա մրցակիցը ՖԻԴե-ի վարպետ, հույն Եվգենիոս Իոանիդիսն է:
Աղջիկների առաջնությունում հանդես եկող մեր միակ շախմատիստուհին՝ Սիրանուշ Ղուկասյանը երկրորդ անգամ տանուլ տվեց իր պարտիան մրցաշարում եւ իր ունեցած 3,5 միավորով գտնվում է 47-րդ տեղում: Նա այսօր սպիտակներով ուժերը կչափի ղազախստանցի Ասել Սերիկվայի հետ:
Հիշեցնենք, որ աշխարհի սույն առաջնությունն անցկացվում է շվեյցարական մրցակարգով, 11 տուրով:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Մենք ուզում ենք, որ դուք օր առաջ տնավորվեք ՀՀ-ում