Թուրքիայում կարծում են, որ Իսրայելը տարածքային հավակնություններ ունի իրենց երկրի դեմ

Թուրքական «Areda Survey » հետազոտական ընկերությունը նոր հարցում է անցկացրել, որին մասնակցել է 1100 մարդ։ Հարցման մասնակիցներին տրվել է «Իսրայելը Թուրքիայի տարածքի նկատմամբ հավակնություններ ունի՞» հարցը,  ինչին ի պատասխան՝ 89%-ը դրական պատասխան է տվել, իսկ 10.6%-ը՝ բացասական։

Հարցումն իրականացվել է Իսրայելի՝ Լիբանան մտնելուց հետո, ինչից հետո Իրանը հրթիռային հարվածներ է հասցրել Իսրայելին։

Նման հարցում իրականացվել էր նաև 2023-ի դեկտեմբերին, որի ժամանակ մասնակիցների 81.6%-ը դրական պատասխան էր տվել հարցին, իսկ 18.4-%ը՝ բացասական։

Ըստ այդմ՝ հարցման արդյունքները նախորդի համեմեմատ զգալիորեն ավելացել են։