Թուրքիայում գաղտնիության պայմաններում փնտրում են Պողոս առաքյալի գերեզմա՞նը, թե ուխտի տապանակը
Թուրքիայում պատմական Կիլիկիայի Տարսոն քաղաքում գաղտնիության պայմաններում հատուկ նշանակության զինվորների հսկողությամբ Սուրբ Պողոս եկեղեցու հարեւանությամբ գտնվող մի տան բակում հորատումներ են տեղի ունենում։
Թուրքական Cumhuriyet-ի փոխանցմամբ՝ Տարսոնում գաղտնիության պայմաններում իրականացվող հորատումները մեծ հետաքրքրություն են առաջացրել Թուրքիայում, մանավանդ երբ հորատումների վայր մտնելն արգելված է եւ որեւէ տեղեկություն հորատումների մասին չեն հայտնում։
Բնակիչների մի մասը նշում են, թե տվյալ մասում մեծ քանակի ոսկիներ ու գանձեր են գտնվել, սակայն որոշ բնակիչներ էլ պնդում են, թե լրիվ այլ բան են փնտրում, քանի որ հորատման վայրում նկատել են հատուկ արտահագուստով մարդկանց, որոնք հիմնականում աշխատում են ռադիոակտիվ վայրերում։
Հատուկ ուշադրություն է դարձվել այն հանգամանքին, որ իրականում խոշոր հորատումներ իրականացնող տեխնիկա է տեղափոխվել աշխատանքի վայր։
Որոշ մասնագետներ նշում են թե հայտնաբերվել է Հին կտակարանում հայտնի ուխտի տապանակը (նվիրական արկղ, որի մեջ պահվում էր Տասը Պատվիրանների քարե տախտակները, Ահարոնի ծաղկյա գավազանը և մանանայով լի ոսկե սափորը: Տապանակը դրվում էր Սրբություն Սրբոցում, ուր անտեսանելիորեն ներկա էր Աստված-խմբ), իսկ որոշները պնդում են, թե այդ վայրում գտնվում է վթարի ենթարկված թռչող ափսե։
Իսկ ահա Թուրքիայի մշակույթի նախկին նախարար, ներկայում պատգամավոր Ֆիքրի Սաղլարը հայտնել է, թե ամենայն հավանականությամբ այնտեղ փնտրում են Սուրբ Պողոսի գերեզմանը։ «Եթե Սուրբ Պողոսի գերեզմանը հայտնաբերվի, Տարսոնը կդառնա քրիստոնյաների գլխավոր սրբավայրերից եւ միլիոնավոր քրիստոնյաներ կայցելեն Տարսոն»,-ասել է նա։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է