Կադիրովը մեկնաբանել է Դաղստանում տեղի ունեցած հարձակումները

Չեչնիայի ղեկավար Ռամզան Կադիրովը հայտարարել է, որ Դաղստանում ուղղափառ եկեղեցու և սինագոգի վրա կատարված ահաբեկչությունները կարող են տարբեր դավանանքի ներկայացուցիչների միջև տարաձայնություններ առաջացնելու փորձ լինել: Այս մասին նա գրել է իր Telegram ալիքում։

«Ահաբեկիչները ևս մեկ անգամ ցույց տվեցին իրենց իսկական ստոր և վախկոտ էությունը։ Միաժամանակ, ինչպես միշտ, որպես զոհ ընտրեցին անզեն ու անպաշտպան մարդկանց։ Վերջին վախկոտների պես սպանեցին հիվանդ ու ծեր քահանային։ Տեղի ունեցածը նման է ստոր սադրանքի և հավատքի միջև տարաձայնություն առաջացնելու փորձի»,- ասվում է գրառման մեջ։

Հանրապետության ղեկավարը հույս է հայտնել, որ ոստիկանությունը կգտնի միջադեպի բոլոր մասնակիցներին և կստիպի արժանի պատիժ կրել։

Հիշեցնենք՝ հունիսի 23-ի երեկոյան անհայտ անձինք ավտոմատ զենքերից կրակել են Դերբենդի սինագոգի և եկեղեցու վրա։ Դաղստանի ներքին գործերի նախարարության տվյալներով՝ հարձակման հետևանքով զոհվել է վեց, վիրավորվել՝ 12 ոստիկան։ Հարուցվել է քրեական գործ «ահաբեկչական հարձակում» հոդվածով։