Հղիության ժամանակ ծխելն ազդում է երեխայի լսողության վրա. հետազոտություն
Հղիության ժամանակ ծխելը կարող է ապագա երեխայի լսողության ծանր խանգարումներ առաջացնել, նախազգուշացնում են Free University of Berlin-ի (Գերմանիա) հետազոտողները:
Լաբորատոր առնետների մասնակցությամբ հետազոտությունը պարզել է, որ պտղի վրա նիկոտինի ազդեցությունը (ծխելու կամ նույնիսկ պասիվ ծխելու հետեւանքով) նպաստում է լսողության համակարգի անոմալ զարգացմանը եւ վնասում է ուղեղի այն հատվածները, որոնք պատասխանատու են լսողության համար: Արդյունքում կարող են ծնվել լսողության պոտենցիալ խանգարմամբ երեխաներ, որոնք դժվարություններ կունենան սովորելու եւ խոսքի զարգացման ընթացքում:
Հետազոտության հեղինակները նիկոտինն ավելացրել են հղի մկների խմելու ջրին՝ խտությունն այն մակարդակին հասցնելու համար, ինչպիսին նկատվում է թունդ ծխողների մոտ: Ժառանգների լույս աշխարհ գալուց հետո հետազոտողները ստուգել են միմյանց հետ շփվելու մկների ուղեղի նեյրոնների ունակությունը՝ ստացած ցուցանիշները համեմատելով այն մկնիկների համանման ցուցանիշներին, որոնք ծնվել են նիկոտին չստացած մայրերից: Պարզվել է, որ առաջին դեպքում ձայնային գրգռիչների հանդեպ նեյրոնների զգայունությունը ցածր է եղել: Սա վկայում էր լսողության խանգարման մասին: Գիտնականներն ընդգծում են, որ չգիտեն, թե նիկոտինի ազդեցությամբ լսողական համակարգի որ հատվածներն են վնասվում, իսկ դա ստուգելու համար ավելի ծավալուն հետազոտություն է պահանջվում:
Նախորդ հետազոտողները նաեւ ապացուցել են, որ հղիության ժամանակ ծխելը վնասում է պտղի ուղեղը: Նույնիսկ էլեկտրոնային սիգարետի օգտագործումը եւ նիկոտինին փոխարինող թերապիան, միեւնույն է, վաղաժամ ծննդաբերության, փոքրիկի մարմնի զանգվածի պակասի, նաեւ մանկական հանկարծամահության ախտանիշի հավանականությունը մեծացնում է:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները