Binance-ի թոփ մենեջերներ Ղամբարյանը և Անջարվալան ձերբակալվել են Նիգերիայում. Wired

Binance-ի երկու թոփ-մենեջերներ՝ Տիգրան Ղամբարյանը և Նադիմ Անջարվալան, վերջին երկու շաբաթվա ընթացքում գտնվում էին Նիգերիայի իշխանությունների պաշտոնական խնամակալության ներքո։ Այս մասին հայտնում է Wired-ը։

ԱՄՆ քաղաքացի Ղամբարյանը նախկինում կրիպտո հետաքննիչ է եղել, ով ղեկավարել է իր թիմին փողերի լվացման, Դարքնեթում թմրամիջոցների ապօրինի շրջանառության և կրիպտո-հանցագործությունների, այդ թվում՝ կրիպտոարժույթով ֆինանսավորվող երեխաների շահագործման հետաքննությամբ: Ավելի ուշ նա միացավ Binance-ի հետաքննող թիմին՝ որպես ֆինանսական հանցագործությունների բաժնի ղեկավար:

Մինչդեռ Այջարվալան Binance Աֆրիկայի տարածաշրջանային մենեջերն է Քենիայում: Նա ունի բրիտանական և Քենիայի երկքաղաքացիություն:

Ըստ նրանց ընտանիքների՝ Ղամբարյանն ու Անջարվալան Աբուջա են ժամանել փետրվարի 25-ին՝ ընդունելով Նիգերիայի կառավարության հրավերը։ Ինչպես հաղորդվում է, նրանք հրավիրվել են քննարկելու ֆոնդային բորսայի հետ երկրում առկա վեճերը։

Հարազատները պնդում էին, որ ոչ Ղամբարյանին, ոչ էլ Անջարվալային քրեական մեղադրանք չեն առաջադրել։ Փոխարենը պաշտոնյաների հետ նախնական հանդիպումից հետո նրանց տեղափոխել են Ազգային անվտանգության գործակալության «հյուրատուն»։ Այդ ժամանակվանից նրանք պահվում են կալանքի տակ՝ առգրավելով անձնագրերը։

Ղամբարյանի կինը՝ Յուկի Ղամբարյանը, հայտարարել է. «Ոչ մի բանի հստակ պատասխան չկա՝ ինչպե՞ս է նա, ի՞նչ կլինի նրա հետ, երբ վերադառնա։ Եվ սա չիմանալը սպանում է ինձ»:

Փետրվարի 29-ին Financial Times-ում հրապարակված զեկույցում նշվում էր Binance-ի երկու ղեկավարների ձերբակալության մասին՝ չհրապարակելով նրանց անունները: Ղեկավարները կալանավորվել են Binance Նիգերիայի դեմ մեղադրանքների շրջանակներում, ներառյալ 26 միլիարդ դոլար արժողությամբ միջոցների անօրինական ներհոսքը:

Քանի որ Նիգերիան բախվում է վերջին երեք տասնամյակի ամենավատ տնտեսական ճգնաժամին, իսկ նարայի արժույթը հասել է ռեկորդային ցածր մակարդակի, կառավարությունը ուժեղացրել է իր պաշտպանական մեխանիզմները: Բացի այդ, Նիգերիան Binance-ին հանձնարարել է տեղեկատվություն տրամադրել երկրի 100 լավագույն օգտատերերի, ինչպես նաև վերջին վեց ամիսների գործարքների պատմության մասին: