Թունելի վերջում լույս չենք տեսնում. Բորելը՝ Ուկրաինայում պատերազմի մասին

Ուկրաինայում պատերազմը շարունակվում է, մարտերի ինտենսիվությունն աճում է և թունելի վերջում լույս չի երևում. այս մասին հայտարարել է ԵՄ դիվանագիտական ծառայության ղեկավար Ջոզեպ Բորելը ԵՄ-Կենտրոնական Ասիա տրանսպորտային ներդրումային ֆորումում:

«Դուք գիտեք, որ Եվրամիությունը էական պատժամիջոցներ է կիրառել Ռուսաստանի դեմ, որոնք զգալիորեն թուլացրել են նրա ռազմական մեքենան։ Բայց, այնուամենայնիվ, պատերազմը շարունակվում է։ Եվ կռվի ինտենսիվությունը մեծանում է, մենք թունելի վերջում լույս չենք տեսնում։ Եվ որպեսզի այդ պատժամիջոցներն արդյունավետ լինեն, մեզ անհրաժեշտ է լիարժեք համագործակցություն մեր գործընկերների կողմից։ Մենք ուշադիր հետևում ենք մեր, Կենտրոնական Ասիայի երկրների, նրանց և Ռուսաստանի միջև առևտրին»,- ասել է Բորելը: