Աբրահամ Խաշմանյանին հարվածողին որակազրկեցին հինգ, իսկ Աբրահամ Խաշմանյանին՝ տասը խաղով (Տեսանյութ)
Նոյեմբերի 1-ին տեղի ունեցավ Հայաստանի ֆուտբոլի ֆեդերացիայի կարգապահական կոմիտեի հերթական նիստը` ՀՖՖ Կարգապահական կոմիտեի նախագահ Ռուբեն Սինոյանի նախագահությամբ:
«Շիրակ» — «Ալաշկերտ» խաղից հետո տեղի ունեցած միջադեպի հետ կապված կայացվել են հետևյալ որոշումները.
2.1 «Շիրակ» թիմի ադմինիստրատոր Սուրեն Սիմոնյանին (N 559) մրցակցի մարզչին հարվածելու համար, ՀՖՖ-ի կարգապահական կանոնակարգի 15-րդ հոդվածի 10-րդ կետի համաձայն` որակազրկել 5 խաղով, «Շիրակ» ֆուտբոլային ակումբին տուգանել 150000 դրամ:
2.2 «Շիրակ» թիմին մարզադաշտում կարգուկանոն չապահովելու համար, ՀՖՖ-ի կարգապահական կանոնակարգի 15-րդ հոդվածի 15-րդ կետի համաձայն` մեկ խաղ անցկացնել առանց հանդիսատեսի, «Շիրակ» ֆուտբոլային ակումբին տուգանել 150000 դրամ:
2.3 «Ալաշկերտ» թիմի գլխավոր մարզիչ Աբրահամ Խաշմանյանին (N 1023) անվայել պահվածքի (3-րդ դեպք) համար, ՀՖՖ-ի կարգապահական կանոնակարգի 15-րդ հոդվածի 17-րդ կետի համաձայն` որակազրկել 10 խաղով, «Ալաշկերտ» ֆուտբոլային ակումբին տուգանել 200000 դրամ:
Երբ Հայաստանի առաջնության մակարդակն ընկնում ու ընկնում է, ապա արդեն գործ ենք ունենում փողոցային պահվածքի եւ դրսեւորումների հետ:
Անասկանալի է նաեւ ՀՖՖ կարգապահական կոմիտեի այսքան մեղմ որոշումը «Շիրակի» ադմինիստրատորի նկատմամբ: Նրան, որը բոլորի աչքի առաջ, փորձում էր հաշվեհարդար տեսնել Խաշմանյանի նկատմամբ, իսկ հետո ձեռքերը վեր պարզում եւ արժանանում ծափահարությունների, որոկազրկում են ընդամենը հինգ խաղով:
Հիշեցնենք, որ հանդիպման ընթացքում «Շիրակի» երկրպագուները հայհոյանքներ էին հնչեցնում «Ալաշկերտի» գլխավոր մարզիչ Աբրահամ Խաշմանյանի հասցեին եւ քարեր էին նետում ալաշկերտցիների պահեստային նստարանի ուղղությամբ:
Այն բանից հետո, երբ «Ալաշկերտը» վերջին րոպեին հաղթանակ կորզեց, կրքերը էլ ավելի թեժացան, իսկ հանդիպման ավարտից անմիջապես հետո «Շիրակի» ադմինիստրատորը հարվածեց Աբրահամ Խաշմանյանին: Սա դեռ հերիք չէ, դեռ մի բան էլ հետո մոտեցավ տրիբունաներին, ձեռքերը հաղթական վեր պարզեց եւ արժանացավ ծափահարությունների:
Եւ ստացվում է, որ ցանկացածխաղից հետո կարելի է ծեծել մրցակցի մարզչին եւ որակազրկվել հինգ խաղով եւ վերջ: 150 հազար դրամ տուգանքն էլ այս դեպքում պարզապես ծիծաղելի է:
Top-News.am
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Արսեն Զախարյանի տրանսֆերային արժեքն աճել է
Կձգտենք խփել այնքան գոլ, որքան մեզ անհրաժեշտ կլինի. Սպերցյան