Էրդողանը դատի է տվել ընդդիմադիր գործչին՝ իրեն ֆաշիստ բռնակալ անվանելու համար
Թուրքիայի նախագահ Ռեջեփ Թայիփ Էրդողանը դատի է տվել երկրի գլխավոր ընդդիմադիր ուժը համարվող Ժողովրդահանրապետական կուսակցության խոսնակ Բյուլենթ Թեզջանին՝ իրեն բռնակալ անվանելու համար, այս մասին հայտարարել է Էրդողանի խոսնակ Իբրահիմ Քալընը, գրում է թուրքական t24.com.tr կայքը:
Օրեր առաջ Թուրքիայի Թեքիրդաղ նահանգում ունեցած ելույթի ժամանակ Թեզջանն Էրդողանին անվանել էր ֆաշիստ բռնակալ:
Իբրահիմ Քալընը նշել է, որ Թեզջանի դեմ դատական գործ է հարուցվել՝ ժողովրդի մեջ ատելություն տարածելու մեղադրանքով: Էրդողանի խոսնակը հայտարարել է, որ Թեզջանի արարքը սազական չէ մայր ընդդիմությանն ու թշնամության դրսևորում է ժողովրդի ընտրության հանդեպ:
Միևնույն ժամանակ, Թուրքիայի կառավարության խոսնակ Բեքիր Բոզդաղը քննադատել է Ժողովրդահանրապետականների խոսնակին՝ նրա արածն անարգանք ու անդաստիարակություն անվանելով:
«Սա մեծ անպատկառություն է, անդաստիարակություն, մեծ թշնամանք կա այս ամենի մեջ: Թուրքիայում միակ ֆաշիստական կուսակցությունը հենց ժողովրդահանրապետականներն են, պատմությունը դրա վկան է», - ասել է Բոզդաղը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է