Ռուսաստանը շահագրգռված է հայ-ադրբեջանական հարաբերությունների կարգավորումն առաջ մղելու հարցում. Զախարովա
Ռուսաստանը լիովին շահագրգռված է հայ-ադրբեջանական հարաբերությունների կարգավորման գործընթացն առաջ մղելու հարցում: Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ՀՀ վարչապետ Նիկոլ Փաշինյանի հայտարարությունները, թե ռուս-ուկրաինական հակամարտության պատճառով Հարավային Կովկասի նկատմամբ ուշադրությունը նվազել է։
«Մենք լիովին հավատարիմ ենք հայ-ադրբեջանական հարաբերությունների կարգավորմանը՝ տարածաշրջանում խաղաղության ու կայունության հասնելու համար։ Եվ դա լիովին վերաբերում է Հարավային Կովկասին։ Մենք կատարում ենք նաև մեր մյուս պարտավորությունները։ Ակտիվության ի՞նչ նվազման մասին կարող է խոսք լինել, եթե վերջին մի քանի ամիսների ընթացքում Ռուսաստանի մասնակցությամբ շփումների մի ամբողջ շարք է տեղի ունեցել ամենաբարձր մակարդակներով»,- ասել է ռուս դիվանագետը։
Զախարովայի խոսքով՝ բոլոր խոսակցություններն այն մասին, որ արտաքին քաղաքականության որոշ ոլորտներ Ռուսաստանի Դաշնության համար դարձել են պակաս առաջնահերթ, անհիմն են։
«Տրամաբանությունն անհասկանալի է: Տպավորություն է, թե մինչև 2022 թվականը, Հայաստանի ղեկավարության տեսանկյունից, ամեն ինչ եղել է առանց խոչընդոտի։ Եկե՛ք նայենք փաստերին: Ինձ թվում է, որ բոլոր այն խոսակցությունները, որ հատուկ ռազմական գործողության ֆոնին Մոսկվայի համար արտաքին քաղաքականության որոշ ոլորտներ ավելի քիչ առաջնահերթ են դարձել, փաստացի հիմքեր չունեն»,- եզրափակել է Զախարովան։
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Զորականում ուսանողին ծեծի ենթարկած դեռահասներն ազատության մեջ են
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Քեյթ Միդլթոնը բացահայտել է իր արտաքինի մասին զարմանալի գաղտնիք
Հայտնի է երկրի ամենախիտ բնակեցված քաղաքը
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
54-ամյա Քրիստինա Օրբակայտեն լողազգեստով ցուցադրել է կազմվածքը