Ադրբեջանում ծայրահեղականները մտադիր էին ահաբեկչությունների շարք իրականացնել
Ադրբեջանի Պետական անվտանգության ծառայության աշխատակիցները ոչնչացրել են ծայրահեղականների խմբի, որոնք ահաբեկչություններ էին նախապատրաստել ընդդիմության հանրահավաքի ժամանակ, որը հոկտեմբերի 28-ին անցկացվելու էր Բաքվում: Այս մասին նշված է ՊԱԾ հանրության հետ կապերի բաժնի հաղորդագրության մեջ, փոխանցում է haqqin.az-ը:
Հաղորդագրության մեջ նշված է, որ ՊԱԾ-ը տեղեկություն է ստացել, որ կրոնական ծայրահեղական խումբը Ադրբեջանի տարածքում ահաբեկչություններ է պատրաստում: Համապատասխան ստուգումներից հետո տեղեկությունները հաստատվել են, եւ անհետաձգելի միջոցառումներ ձեռնարկելու որոշում է ընդունվել: Պարզվել է, որ մարդկանց խումբը, որը հավատարմության երդում էր տվել արտասահմանում գործող ահաբեկչական խմբավորումներից մեկին, հավաքվել է Ադրբեջանի քաղաքացի «Աբդուլլահ» մականունով Բահթիյար Ալեքպերովի Լոքբաթանի տանը: Հանցավոր խմբավորման անդամները Ալեքպերովին իրենց «էմիր» էին ընտրել:
Ահաբեկչություններ իրականացնելու նպատակով խմբավորման անդամները համապատասխան բաղադրամասեր են հայթայթել ինքնաշեն պայթուցիկ եւ հրկիզող սարքեր պատրաստելու համար: 2017 թվականի հոկտեմբերի 22-ին նրանք դրանք փորձարկել են Լոքբաթանի տարածքում: Օպերատիվ-տեխնիկական ճանապարհով պարզվել է, որ իրենց հանդիպումների ժամանակ խմբավորման անդամները համաձայնության են եկել Բաքվի հանրահավաքում ահաբեկչություն իրագործելու շուրջ, որը տեղի էր ունենալու հոկտեմբերի 28-ին: Ծայրահեղական խմբավորման նպատակն էր երկրում ապակայունացումը եւ հասարակական-քաղաքական անդորրի խախտումը: ՊԱԾ հարուցած քրեական գործով որոշում է ընդունվել այս անձանց քրեական պատասխանատվության ենթարկելու մասին: Հոկտեմբերի 25-ին անցկացվել են նրանց ձերբակալելու օպերատիվ համալիր միջոցառումներ:
Հատուկ գործողության ընթացքում հանցավոր խմբավորման անդամներ Բահթիյար Ալեքպերովը, «Աբու Յունիս» մականունով Անար Մասիմլին եւ Ջավիդ Հուսեյնլին դիմադրություն են ցույց տվել եւ հրազենից կրակել: Օպերատիվ խումբը օրենսդրությամբ սահմանված շրջանակներում պատասխան միջոցառումներ է իրականացրել եւ ծայրահեղականներին ոչնացրել է հաշվեցուցակային զենքերով: Փաստով օպերատիվ-քննչական միջոցառումները շարունակվում են:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է