Ադրբեջանի փոխարտգործնախարարն Ալիեւի հետ համաձայն չէ
Ադրբեջանի փոխարտգործնախարար Մահմուդ Մամեդգուլիևը, որը ղեկավարում է Բրյուսելի հետ Բաքվի բանակցությունները, հայտարարել է, որ Եվրոպայի խորհրդից Ադրբեջանի դուրս գալը ճիշտ չէ, հաղորդում է minval.az-ը:
«Ես չեմ կարծում, որ Եվրոպայի խորհրդից Ադրբեջանի դուրս գալը ճիշտ է: Չնայած Ադրբեջանի նկատմամբ երկակի չափանիշներին ու անարդարությանը՝ կարծում եմ, որ մենք պետք է մնանք այդ կազմակերպությունում և շարունակենք պաշտպանել մեր դիրքորոշումը»,- հայտարարել է Մամեդգուլիևը:
Նա նշել է, որ դեռևս Եվրոպայի խորհրդին Ադրբեջանի անդամակցելուց առաջ նա երկար տարիներ գլխավորել է այդ կառույցում ադրբեջանական պատվիրակությունը:
«Հանգուցյալ Հեյդար Ալիևը մեծ նշանակություն էր տալիս Եվրոպայի խորհրդի հետ հարաբերություններին: Հենց նրա հանձնարարությամբ մենք երկար բանակցություններ ենք վարել այդ կազմակերպությանը միանալու վերաբերյալ: Չեմ կարծում, որ մի քանի հակաադրբեջանական բաղադրիչի պատճառով մենք պետք է հանձնենք մեր դիրքերը: Ինչ վերաբերում է Յագլանդին (Եվրոպայի խորհրդի գլխավոր քարտուղար Թորբյորն Յագլանդ), նա ընդամենը գլխավոր քարտուղար է, բայց ամբողջ կազմակերպությունը չէ: Այսօր նա կա, վաղը չկա»,- ասել է նա:
Ավելի վաղ հաղորդվել է, որ Ադրբեջանի նախագահ Իլհամ Ալիևը ԵՄ Խորհրդի քաղաքականության և անվտանգության հարցերով հանձնաժողովի պատվիրակության հետ հանդիպմանն ասել է, որ եթե Ադրբեջանը լքի Եվրոպայի խորհուրդը, իրենց կյանքում ոչինչ չի փոխվի:
«Ձեզ անկեղծ ասեմ, ընկերական, որ եթե Ադրբեջանը հեռանա Եվրոպայի խորհրդից, ոչ մեկ դրան նշանակություն չի տա: Մեր կյանքում ոչինչ չի փոխվի, մենք չենք ապրի ոչ ավելի լավ, ոչ ավելի վատ, ոչ ավելի հարուստ, ոչ ավելի աղքատ»,- հայտարարել է Ալիևը:
Ալիևը նշել է, որ վերջին ժամանակներս Եվրոպայի խորհրդի որոշ ներկայացուցիչներ նոր հարձակումներ են սկսել Ադրբեջանի դեմ:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է