Ավստրալիայում անչափահաս աղջկան 42 օրում ութ անգամ ձերբակալել են

Ավստրալիայի 15-ամյա բնակչուհին ութ անգամ ձերբակալվել է 42 օրում, նա մեղադրվում է ավտոմեքենա առեւանգելու մեջ, տեղեկացվել է 7News հեռուստաալիքի կայքում։

Ըստ նրա տվյալների՝ մայիսի սկզբից այդ աղջկան ձերբակալել են միջինը յուրաքանչյուր հինգերորդ օրը։

Անցած կիրակի օրն առավոտյան անչափահասը, ոստիկանության տեղեկացմամբ, առեւանգել է Range Rover, հետո կալանավորվել է Քվինսլենդում մեքենան երկու 17-ամյա ընկերուհիների հետ վտանգավոր կերպով վարելու համար։

Ներկայում նա նախնական կալանքի տակ է եւ գտնվում է անչափահասների կալանավայրում՝ մինչեւ դատը։

7News-ի տվյալներով՝ 42 օրում մեղադրանքների ցուցակը ներառել է վտանգավոր երթեւեկության երեք դեպք, առանց վարորդական իրավունքի մեքենա վարելու վեց, մեքենաների անօրինական օգտագործման, ոստիկանությունից փախչելու երկու, գրավի դիմաց ազատ արձակվելու պայմանի չորս խախտման, ուրիշի բնակարան ներխուժելու երկու, խարդախության վեց դեպք։