Պակիստանը տեղեկացրել է փոխհրաձգության մասին Աֆղանստանի հետ սահմանին. կա վեց զոհ

Գրոհայինները Պակիստանի հյուսիս-արեւմուտքում, Աֆղանստանի հետ սահմանին հարձակվել են անցակետի վրա, դրա հետեւանքով տեղի է ունեցել փոխհրաձգություն, զոհվել են երեք զինվոր եւ երեք գրոհային, տեղեկացրել է The Associated Press-ը՝ հղում կատարելով բանակին։

Չորս գրոհային վիրավորվել է, նշվել է բանակի հայտարարությունում։

Գիշերային փոխհրաձգությունը տեղի է ունեցել Հայբեր-Փահթուհվա նահանգի Հյուսիսային Վազիրիստան շրջանի Միրան Շահ թեժ գոտում, որը պակիստանցի թալիբների՝ «Թեհրիկ-ի-Թալիբան Պակիստան» կամ ՏՏՊ խմբավորման նախկին հենակետն էր։

Պակիստանի բանակը որոնողական գործողություններ է իրականացրել, որպեսզի գտնի հարձակման պատասխանատուներին։ Սպանված գրոհայիններից առգրավվել է զինամթերքների գաղտնարանը։

Չնայած բանակում հավաստիացնում են, որ մաքրել են Հյուսիսային Վազիրիստանը գրոհայիններից, պարբերական հարձակումները եւ փոխհրաձգությունները շարունակվում են, ինչը մտավախություններ է առաջացնում, որ պակիստանցի թալիբները վերախմբավորվում են այս շրջանում։