Ուկրաինան տեղեկացրել է գիշերը Կիեւին հասցված հարվածի մասին

Այս գիշեր ռուսական զորքերը թեւավոր հրթիռներով եւ կամիկաձե դրոններով հարվածել են Կիեւին, օգտագործվել է ավելի քան 30 միավոր, տեղեկացրել է УНИАНИ-ն՝ հղում կատարելով Ուկրաինայի ԶՈւ Գլխավոր շտաբին։

«Նախնական տվյալներով՝ այս գիշեր թշնամին գործադրել է 15 թեւավոր հրթիռ (տեսակը ճշտվում է) եւ 18 «Shahed իրանական հարվածային անօդաչու, այդ բոլոր օդային թիրախները ոչնչացվել են մեր պաշտպանների կողմից։ Տեղեկությունը ճշտվում է»,- նշվել է հաղորդագրությունում։

Կիեւի իշխանությունները տեղեկացրել են ՀՕՊ ուժերի կողմից տարբեր տեսակի ավելի քան 30 օդային թիրախների ոչնչացման մասին, մասնավորապես՝ Х-101/555 հրթիռներ եւ «Shahed» անօդաչուներ։

Բացի Ուկրաինայի մայրաքաղաքին հասցված հարվածից, անցած օրը ռուսական զորքերը 46 ավիացիոն հարված են հասցրել եւ կատարել 107 հրետակոծություն համազարկային կրակի ռեակտիվ համակարգերից մեր զորքերի դիրքերի եւ բնակավայրերի ուղղությամբ, նշվել է հաղորդագրությունում։

Տեղեկացվել է զոհերի եւ վիրավորների մասին։

Հիշեցնենք, որ Ռուսաստանը եւ Իրանը քանիցս հերքել են իրանական կամիկաձե դրոնների օգտագործումն Ուկրաինայում։