ԱՄՆ Ազգային անվտանգության գործակալությունները ՉԹՕ-ների մասին հարյուրավոր նոր հաղորդագրություններ են ուսումնասիրում
ԱՄՆ Ազգային անվտանգության գործակալությունները ՉԹՕ-ների մասին հարյուրավոր նոր հաղորդագրություններ են ուսումնասիրում, ասել է ազգային հետախուզության բարձրաստիճան պաշտոնյան, գրում է Politico-ն։
Ընդհանուր առմամբ, անցած տարվա օգոստոսի դրությամբ պահպանվող օդային տարածքում կամ կարեւոր օբյեկտների մոտ գրանցվել է 510 «չբացահայտված օդային երեւույթ», ասվում է ազգային հետախուզության տնօրենի զեկույցում՝ ուղղված Կոնգրեսին։
2021 թվականին նախնական գնահատման հրապարակումից ի վեր դրանցից 366-ի աճը պայմանավորված է հաղորդագրությունների նկատմամբ «ստիգմայի նվազմամբ» եւ հետախուզության ու անվտանգության սպառնալիքների ավելի լավ ըմբռնմամբ, որոնք կարող են ներկայացնել այդ երեւույթները:
Ըստ զեկույցի՝ այս նոր դիտարկումների կեսից ավելին, որոնց մեծ մասը գրանցվել են ՌԾՈՒ-ի եւ ՌՕՈՒ-ի օդաչուների կողմից, ցույց են տալիս «աննշան բնութագրեր»՝ 29-ը բնութագրվել են որպես անօդաչուներ, 163-ը՝ որպես օդապարիկներ, իսկ վեցը՝ որպես «խառնաշփոթ»:
Այնուամենայնիվ, մնում է 171 դեպք, երբ օբյեկտները «ցուցադրել են անսովոր թռիչքային բնութագրեր կամ հնարավորություններ», ասվում է զեկույցում: Այս չճանաչված օբյեկտների մասին քիչ մանրամասներ են ներկայացվել, թեեւ զեկույցում նշվում է, որ ԱՄՆ-ի ոչ մի ինքնաթիռ երբեք չի հանդիպել ՉԹՕ-ի, եւ դրանց ուսումնասիրումը մինչ այժմ առողջության համար անբարենպաստ հետեւանքներ չի ունեցել:
12 էջանոց զեկույցը, որում չի նշվում, թե երբ է տեղի ունեցել դիտարկումներից յուրաքանչյուրը, իրենից ներկայացնում է գաղտնի տարբերակի ոչ գաղտնի շարադրանք, որը հանձնվել է Կոնգրեսին:
Վերջին շաբաթների ընթացքում այլ բարձրաստիճան պաշտոնյաներ ասել են, որ առայժմ չեն գտել որեւէ ապացույց, որ չճանաչված տրանսպորտային միջոցներն այլմոլորակային ծագում ունեն կամ վկայում են ոչ մարդկային էակի գոյության մասին:
«Մենք չենք տեսել որեւէ բան, որը կարող էր... ստիպել մեզ հավատալ, որ մեր տեսած օբյեկտներից որեւէ մեկը այլմոլորակային ծագում ունի,- լրագրողներին ասել է պաշտպանության փոխնախարար Ռոնալդ Մոուլտրին,- Եթե մենք նման բան գտնենք, մենք կուսումնասիրենք դա, կվերլուծենք եւ համապատասխան միջոցներ կձեռնարկենք»:
Սերժ Սարգսյանը պատասխանել է հարցին՝ կմասնակցի՞ առաջիկա ընտրություններին
Լուկաշենկոն խոսել է նախագահի պաշտոնից հեռանալու մասին
ՆԱՏՕ-ն հայտարարել է, որ երկարատև պատերազմի համար դաշինքը բավականաչափ դիմացկուն չէ
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...
Աբովյանի 37-ամյա բնակչուհին կեղծ թղթադրամներ էր իրացրել մի շարք բնակավայրերում. նա ձերբակալվել է
Գերագույն հոգևոր խորհրդի ժողով՝ Մայր Աթոռ Սուրբ Էջմիածնում
Նախատոնական օրերին Պարեկային ծառայությունը շուրջօրյա վերահսկողություն է իրականացնում խոշոր առևտրի կե...
Ղարաբաղի ժողովուրդը ոչինչ չի շահի Ղարաբաղ վերադառնալուց․ Նիկոլ Փաշինյան
Մասնագետները որոշել են այն տարիքը, որից մարդիկ պետք է դադարեցնեն մեքենա վարելը
Մարդկանց մի մասը գոռում է Վեհափառ, մի մասը՝ հեռացիր (տեսանյութ)