Էրդողանը հայտարարել է Պուտինի հետ վստահալից հարաբերությունների մասին
Թուրքիայի նախագահ Թայիփ Էրդողանը հայտարարել է, որ վստահալից հարաբերություններ է հաստատել Ռուսաստանի նախագահ Վլադիմիր Պուտինի հետ, առանց դրա անհնար կլիներ վերականգնել ՌԴ-ի մասնակցությունը «պարենային գործարքին»։
«Սա առաջնորդների քաղաքականություն է, որը մենք իրականացնում ենք հարգելի պարոն Պուտինի հետ: Իհարկե, առանց վստահալից հարաբերությունների դա անհնար կլիներ։ Վստահալից հարաբերությունները եւ հարգանքը միմյանց նկատմամբ, որը մենք ստեղծել ենք, մղում է ընդունելու այսօրինակ որոշումներ։ Բոլոր հարցերի վերաբերյալ, ներառյալ ԱԷԿ-ի կառուցումը (Աքկույուում, Սինոպ), պաշտպանության թեմայով հարցերը հենված են վստահալից հարաբերությունների վրա»,- ասել է Էրդողանը՝ մեկնաբանելով Ռուսաստանի «վերադարձը» պարենային գործարքին։
Ռուսաստանը հոկտեմբերի 30-ին հայտարարել էր, որ դադարեցնում է մասնակցությունն Ուկրաինայի նավահանգիստներից պարենի դուրսբերմանը՝ Սեւաստոպոլում Սեւծովյան նավատորմի եւ քաղաքացիական նավերի դեմ Կիեւի ահաբեկչական գրոհից հետո։ Ավելի ուշ ՌԴ պաշտպանության նախարարությունը հայտարարել էր, որ Ռուսաստանը վերականգնում է մասնակցությունը պարենային գործարքին։ Ինչպես հայտարարել են Կրեմլում, տեղեկությունն այն մասին, որ Կիեւը հավաստիացումներ է արել, որ ցորենի դուրսբերման հումանիտար միջանցքները չի օգտագործի ռազմական նպատակներով, ստացվել է ՌԴ պաշտպանության նախարարության գծով։
Սերժ Սարգսյանը պատասխանել է հարցին՝ կմասնակցի՞ առաջիկա ընտրություններին
ՆԱՏՕ-ն հայտարարել է, որ երկարատև պատերազմի համար դաշինքը բավականաչափ դիմացկուն չէ
Գերագույն հոգևոր խորհրդի ժողով՝ Մայր Աթոռ Սուրբ Էջմիածնում
Նախատոնական օրերին Պարեկային ծառայությունը շուրջօրյա վերահսկողություն է իրականացնում խոշոր առևտրի կե...
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
Անծանոթ անձանց մի՛ տրամադրեք անձնական տվյալներ․ ՆԳՆ ոստիկանությունը զգուշացնում է (տեսանյութ)
Դանիայում Ռուսաստանի դեսպանը կանչվել է ԱԳՆ
Wildberries-ում մեկնարկում է պատվերների ստացման կետերի ռեբրենդինգը
Երևակայության ուժը. Գիտնականները բացահայտել են դրական մտածողության նյարդակենսաբանական հիմքը
«Բավարիայի» կիսապաշտպանը՝ Ավստրիայի լավագույն ֆուտբոլիստ