Տասը բան, որոնք հանգստյան օրերին անում են անհաջողակները
Նրանք ծրագիր չունեն
Ձեր հանգստյան օրերի յուրաքանչյուր րոպեն չպետք է ծրագրված լինի, բայց լավ կլինի ընդհանուր պատկերացում ունենալ այն մասին, թե ինչ եք ուզում անել հանգստյան օրերին եւ որքան ժամանակ դա կզբաղեցնի: Դա թույլ կտա ժամանակ տնտեսել եւ մի քանի իրադարձություն ծրագրել:
Նրանք ժամանակ չեն տրամադրում սիրելիներին
Աշխատանքային օրերին, հնարավոր է, դժվար է ժամանակ հատկացնել սիրելիներին: Գոնե հանգստյան օրերին դա արեք:
Նրանք թույլ են տալիս, որ տեխնոլոգիաները կլանեն իրենց
Մի կողմ թողեք հեռախոսը: Անջատեք համակարգիչը եւ գործընկերներին հասկացրեք, որ չեք պատասխանելու էլեկտրոնային նամակներին: Մի տարվեք տեխնոլոգիաներով:
Նրանք չեն վայելում իրենց
Անկախ նրանից, թե ինչպես եք անցկացնում հանգստյան օրերը, միայնության մեջ, թե՞ ընկերների շրջապատում, համոզվեք, որ անում եք այն, ինչը երջանկացնում է ձեզ:
Նրանք անընդհատ քնած են
Հնարավոր է՝ շատ եք խմել ուրբաթ երեկոյան եւ վերականգնվում եք: Հնարավոր է՝ պարզապես գերհոգնած եք: Ամեն դեպքում՝ կարող եք փչացնել ձեր քնի գրաֆիկը, այդ պատճառով անմիջապես վեր կացեք անկողնուց:
Նրանք շատ են ծախսում
Դուք տնտեսում եք ամբողջ շաբաթ, իսկ հետո մինչեւ վերջին լուման ծախսում հանգստյան օրերին: Ավելի մատչելի ժամանցի միջոց գտեք, օրինակ՝ անվճար երեկույթներ կամ հանդիպումներ:
Նրանք չեն մտածում իրենց նպատակների մասին
Լարված շաբաթվա ընթացքում կարող է դժվար լինել ժամանակ տրամադրել կյանքի եւ նպատակների մասին մտածելուն: Շատ կարեւոր է գոնե երբեմն հիշել ծրագրերի մասին եւ հասկանալ՝ արդյո՞ք ճիշտ ճանապարհով եք ընթանում:
Նրանք չեն դադարում մտածել աշխատանքի մասին
Ուրբաթ ծրագրեք, թե ինչ պետք է անեք երկուշաբթի եւ հանգիստ խղճով անցկացրեք հանգստյան օրերը: Պատրաստված լինելը լավ է, աշխատամոլ լինելը՝ ոչ:
Նրանք ծուլանում են եւ ափսոսում են դրա համար
Հանգստյան օրերին ոչինչ չանելը կարող է թուլանալու հրաշալի միջոց լինել: Բայց եթե ծուլությունը ձեզ ստիպում է ձանձրանալ եւ անտեսել կարեւոր հանձնարարություններն ու տան գործերը, նշանակում է՝ ժամանակն է վերանայել ձեր շաբաթօրյա եւ կիրակնօրյա ժամանցը:
Նրանք չեն թուլանում
Նման մարդիկ ծույլերի հակադրությունն են, նրանք հանգստյան օրերի համար չափազանց շատ բան են ծրագրում: Արդյունավետ եւ աշխատանքում հաջողակ լինելու համար հարկավոր է հանգստյան օրերն օգտագործել լիցքավորվելու համար: Եթե ձեր հանգստյան օրերը լարված են անցնում, երբեք չեք կարողանա հանգստանալ եւ թարմանալ, ինչը կարող է ազդել ձեր հաջողության վրա:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները