Ադրբեջանը 20-30 րոպե կրակ է բացել Ներքին Հանդի ուղղությամբ. այս պահին կրակոցները դադարել են

Թշնամին մոտ 20-30 րոպե կրակ է բացել Սյունիքի մարզի Ներքին Հանդ գյուղի ուղղությամբ: Այս մասին 168.am-ի հետ զրույցում ասաց գյուղապետ Խաչատուր Բաղդասարյանը։ «Կրակոցները այս պահին դադարել են, բայց մոտ 20-30 րոպե անդադար կրակել են։

Մոտավորապես մեկ ժամ առաջ է սկսել կրակել»,- նշեց Ներքին Հանդի գյուղապետը։ Թե ինչ վնասներ է կրել գյուղը, գյուղապետը չասաց, միայն նշեց, որ այս պահին զբաղված է և հեռախոսով շատ բաներ չի կարող ասել։

Հիշեցնենք, որ սեպտեմբերի 13-ին, ժամը 00։05-ի սահմաններում Ադրբեջանի զինված ուժերի ստորաբաժանումները, հրետանային միջոցների, ականանետերի ու ԱԹՍ-ների կիրառմամբ ինտենսիվ կրակ էին բացել հայ-ադրբեջանական սահմանի միանգամից մի քանի հատվածում տեղակայված հայկական դիրքերի ուղղությամբ։