Փաշինյանը խոստովանեց, որ խաբել է խաղաղություն խոստանալով. Աղասի Ենոքյան

Սա ուղղակի ցույց է տալիս այն մեթոդաբանությունը, որով Նիկոլ Փաշինյանն աշխատում է։ Այսինքն՝ ամեն անգամ իր կառավարումն արդարացնելու համար որոշակի օրենքներ են մտցնում, փոփոխություններ են կատարվում, դրանով փորձում են հասնել իրենց համար ցանկալիին: Այս մասին մամուլի ասուլիսի ժամանակ ասաց քաղաքագետ Աղասի Ենոքյանը՝ անդրադառնալով ընդդիմադիրներին մանդատներից զրկելու նախաձեռնությանը:

«Եթե ընդդիմադիրներին զրկեն մանդատներից, ապա այս խորհրդարանի միջազգային լեգիտիմությունը բավականին ցածր կլինի և դրանից հետո խորհրդարանի՝ ընդհանրապես ցանկացած միջազգային որոշում՝ խաղաղության պայմանագիր Ադրբեջանի հետ, սահմանային հարցեր, բավականին թույլ կլինեն իրավական կողմով և հետագայում կարող է հանգիստ վիճարկվել»,- ասաց նա: