Ընդդիմադիր երկու պատգամավորների նկատմամբ քրեական գործ է հարուցվել

ԱԺ «Հայաստան» խմբակցության պատգամավոր Արծվիկ Մինասյանի և «Պատիվ ունեմ» խմբակցության պատգամավոր Տարոն Մարգարյանի նկատմամբ քրեական գործ է հարուցվել՝ հավաքի մասնակիցներին գումար բաժանելու մեղադրանքով, ֆեյսբուքյան ուղիղ եթերով այս մասին հայտնել է Արծվիկ Մինասյանը։

Պատգամավորի խոսքով՝ քրեական գործը հարուցվել է Արմավիրում, քննվում է Արմավիրի քննչական վարչությունում։ Այսօր պատգամավոր Արծվիկ Մինասյանը հրավիրվել է Արմավիր՝ հարցաքննության։

Փաստաբան Սերգեյ Հարությունյանն էլ տեղեկացրել է, որ պատգամավորը հարցաքննվել է որպես վկա-կասկածյալ՝ այն դեպքում, երբ նա ունի պատգամավորի անձեռնմխելիություն, ինչը չի հաղթահարվել։

«Սա քաղաքական հետապնդում է, որը ձնագծնդիի նման մեծանում է։ Իրավապահ համակարգի ապօրինությունները նոր թափ են հավաքում»,- հայտարարել է փաստաբանը։