Թուրքիան պատրաստ է օգնել Իրաքին տարածքային ամբողջականության պահպանման հարցում

Թուրքիայի արտաքին գործերի նախարար Մևլութ Չավուշօղլուն հայտարարել է, որ Թուրքիան պատրաստ է Բաղդադին աջակցել Իրաքի տարածքային ամբողջականության պահպանման հարցում «ոչ միայն խոսքով, այլև գործնականում»:

Ինչպես գրում է թուրքական «Միլլիյեթ» պարբերականը, մեկնաբանելով Իրաքյան Քուրդիստանի անկախության հանրաքվեն ու դրա արդյունքները, Չավուշօղլուն նշել է, որ եթե Իրաքի իշխանությունները դիմեն իրենց նման հարցով՝ իրենք չեն հապաղի:

«Եթե Բաղդադից դիմեն Թուրքիային գործնական քայլեր ձեռնարկելու կոչով՝ մենք կօգտագործենք միջազգային իրավունքի վրա հիմնված մեր իրավունքը», - ասել է Թուրքիայի ԱԳՆ ղեկավարը՝ շեշտելով, որ իրենց համար հետայսու կարևոր է լինելու միայն պաշտոնական Բաղդադի դիրքորոշումը, և իրենք արդեն զգուշացրել են միջազգային հանրությանն Իրաքյան Քուրդիստանի անկախության հանրաքվեի արդյունքների ճանաչման անթույլատրելիության մասին:

Հիշեցնենք, որ սեպտեմբերի 25-ին Իրաքյան Քուրդիստանում տեղի ունեցած անկախության հանրաքվեի նախնական արդյունքներով՝ ընտրողների շուրջ 93 տոկոսն աջակցել է անկախացմանը։

Պաշտոնական Բաղդադն Իրաքյան Քուրդիստանին վերջնագիր է ներկայացրել, ըստ որի այն պարտավոր է երեք օրվա ընթացքում Բաղդադի կառավարմանը հանձնել բոլոր սահմանային անցակետերն ու օդանավակայանները։

Այս թեմայով Բաղդադը պահանջում է առանց վերապահումների չեղարկել քրդական հանրաքվեն Ռուսաստանը Իրաքի քրդերին հորդորում է բանակցել Բաղդադի հետ Իրաքյան Քուրդիստանում հրապարակվել են անկախության հանրաքվեի վերջնական արդյունքները Իրաքի ԶՈւ բարձրաստիճան պատվիրակությունը մեկնել է Իրան Լեռնային Ղարաբաղը ողջունում է իրաքյան Քրդստանի անկախության հանրաքվեի անցկացումը