Ո՞ր կանայք են ավելի հաճախ տղաներ լույս աշխարհ բերում
Որդի ծնելու հավանականությունը կանանց համար կարող է պայմանվորված լինել նրա օրգանիզմում տեստոստերոնի մակարդակով, հայտնում է վերարտադրողական կենսաբան Վալերի Գրանտը։
Գրանտը մի խումբ գործընկերների հետ միասին անցկացրել է հետազոտություն, որը 20 տարի է տեւել։ Հետազոտության շրջանակում կանայք պատասխանել են այն հարցերին, թե ինչ զգացմունքներ են ունեցել որոշակի իրավիճակներում (վճռականություն, բարկություն, հպարտություն, գոհունակություն եւ այլն)։ Նաեւ փորձին մասնակցող կանանց մոտ ստուգել են արյան մեջ տեստոստերոնի պարունակությունը։
Տեստոստերոնը ընդունված է համարել «տղամարդկանց» հորմոն, սակայն որոշակի խտությամբ այն կա նաեւ կանանց օրգանիզմում։ Մի կողմից տեստոստերոնը պատասխանատու է լիբիդոյի համար, բայց մյուս կողմից էլ՝ եթե դրա քանակը նորմայից շատ է, կանանց մոտ հայտնվում են ավելորդ մազեր դեմքի ու մարմնի վրա, իսկ գլխի մազերը սկսում են թափվել, նաեւ կարող է սկսվել «տղամարդկանց նման» ճարպակալում՝ այսինքն ճարպը կուտակվում է որովայնի մասում։
Վալերի Գրանտի բնորոշմամբ՝ տեստոստերոնի համեմատաբար բարձր խտությամբ կանայք աչքի են ընկնում ինքնավստահությամբ, համառությամբ ու ուժեղ խառնվածքով։ Կենսաբանի հետազոտությունը ցույց է տվել, որ հիմնականում հենց նման՝ իշխանասեր, առաջնորդի դերին ձգտող կանայք, ում օրգանիզմում տեստոստերոնի մակարդակը բարձր է, լույս աշխարհ են բերում ոչ թե աղջիկների, այլ տղաների։
«Տեստոստերոնի մակարդակը կանանց ֆոլիկուլներում ամենից ճշգրիտ է հուշում ապագա երեխայի սեռը», - հայտնել է բժիշկը։
Նշենք, որ ժամանակակից գիտությունը համարում է, որ երեխայի սեռը որոշվում է պատահականության սկզբունքով։
Պտղի սեռը որոշվում է նրա քրոմոսոմների հավաքածուով։ Մորից նա միշտ ստանում է Х քրոմոսոմը, եթե նա ստանում է եւս մեկ Х քրոմոսոմ հորից՝ ապա ստացվում է աղջիk (Х Х), իսկ եթե նա հորից ստանում է Y քրոմոսոմ, ստացվում է տղա (ХY)։ Հակառակ տարածված մոլորություններին, չնայած երեխայի սեռը կախված է հոր սերմնաբջիջից, բայց ոչ հայրը, ոչ մայրը չեն կարող որեւէ կերպ ազդել դրա վրա՝ միայն պատահականությամբ է որոշվում, թե որ սերմնաբջիջը կբեղնմավորի ձվաբջիջը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները