Հենրիխ Մխիթարյանի առաջին գոլը

Ավարտվեց Անգլիայի Պրեմիեր լիգայի հինգերորդ տուրը: Հենրիխ Մխիթարյանի «Մանչեսթեր Յունայթեդը» 4:0 հաշվով հաղթեց «Էվերտոնին», ոչի կազմում խաղում էր մանկունյանցիների նախկին առաջատար եւ ավատ Ուեյն Ռունին: Ի դեպ, մանչեսթերցիները չորս գոլից երեքը խփեցին, երբ Ռունին դուրս եկավ դաշտից:

Ընդգծենք, որ Հենրիխ Մխիթարյանը խփեց այս խաղի երկրորդ եւ այս մրցաշրջանի իր առաջին գոլը: Մանչեսթերցիներից մյուս գոլերը խփեցին Վալենսիան, Լուկակուն եւ Մարսիլաը՝ 11 մետրանոցից:

Այս տուրից հետո աղյուսակը 13-ական միավորով գլխավորում են մանչեսթերյան երկու ակումբները, որոնք տարել են չորսական հաղթանակ, արել մեկ ոչ-ոքի, խփել 16 եւ բաց թողել երկու գոլ:

Այս տուրում «Մանչեսթեր Սիթին» մրցակցի դաշտում 6:0 հաշվով հաղթեց «Ուոթֆորդին», իսկ տուրի կենտրոնական խաղը կայացավ Լոնդոնում, որտեղ «Չելսին» ընդունել էր «Արսենալին»: Այս խաղում գալեր չգրանցվեցին, բայց երկու թիմերն էլ փայլուն եւ դիտարժան խաղ ցույց տվին: «Չելսին» առաջատարներից ետ է մնում երեք, իսկ «Արսենալը»՝ վեց միավորով:

Երեք անընդմեջ հաղթանակ տանելուց հետո ինը միավորով չորրորդ տեղում հայտնվեց Պրեմիեր լիգա վերադարձած «Նյուքասլը», որն այս տուրում 2:1 հաշվով հաղթեց «Սթոք Սիթիին»:

Աղյուսակը զրո միավորով եզրափակում է «Քրիսթալ Փելեսը», որը ոչ միայն միավոր չունի, այլ նաեւ գոլ չի խփել:

Top-News.am 

Այս թեմայով Հենրիխ Մխիթարյանը գոլը «Ռոմայի» կազմում Մխիթարյանը՝ Ռայոլայի մասին․ Նա միշտ ձգտում է, որ իր խաղացողներն իրենց զգան երջանիկ Նոր խաղակոշիկներ վերադարձի համար. Հենրիխ Մխիթարյանը նոր լուսանկար է հրապարակել Ռոմայում Մխիթարյանի մնալու համար հետաքրքիր սցենար են մշակել Ո՞ւմ նկարն է Հենրիխ Մխիթարյանի հեռախոսի էկրանին