Կանգնած աշխատանքը նստակյացից ավելի վտանգավոր է. գիտնականներ
Կանգնած աշխատանքն առողջության համար ավելի վնասակար է, քան նստակյացը, պնդում են Կանադայի Work & Health կենտրոնի գիտնականները։ Նրանց խոսքով՝ մարդիկ, որոնք աշխատանքային ժամերին անընդհատ կանգնած են, ավելի հաճախ են բախվում սիրտ-անոթային հիվանդություններին, քան նրանք, որոնք նստած են աշխատում։
Գիտնականները վերլուծել են 7320 մարդկանց տվյալները, որոնք աշխատավայրում շաբաթական առնվազն 15 ժամ նստած կամ կանգնած են անցկացրել կամ էլ ե՛ւ մեկը, ե՛ւ մյուսը։ Կամավորների աշխատանքին հետեւել են 12 տարի շարունակ։ Հետազոտության մեկնարկի պահին մասնակիցներից ոչ ոք սրտի հիվանդություններ չի ունեցել։
Հետազոտողները պարզել են, որ աշխատավայրում հիմնականում կանգնած աշխատող մարդիկ երկու անգամ հաճախ են բախվում սրտի հիվանդություններին, քան նրանք, որոնք սովորաբար նստած են աշխատում։ Գիտնականները պարզել են, որ աշխատավայրում ե՛ւ նստած, ե՛ւ կանգնած աշխատող տղամարդիկ 39 տոկոսով քիչ են սրտի հիվանդություններ ունենում, քան նրան, որոնք միայն նստած են աշխատում։ Իսկ նստած եւ կանգնած աշխատող կանանց դեպքում սրտային հիվանդությունների զարգացման ռիսկը 80 տոկոսով ավելի մեծ է, քան հիմնականում նստած աշխատող կանանց մոտ։
Մասնագետները հաշվի են առել նաեւ այլ գործոններ, որոնք կարող էին ազդել արդյունքների վրա։ Գիտնականների խոսքով՝ երբ մարդը կանգնած է, արյան հոսքն ուղղվում է դեպի ոտքերը, եւ աճում է ճնշումը սրտի վրա։ Այդ պատճառով երկար ժամանակ կանգնած աշխատելը վնասակար է սրտի համար։ Այն կարող է նաեւ մեջքի խնդիրների եւ վիժումների պատճառ դառնալ։ Փորձագետները խորհուրդ են տալիս կանգնած աշխատող մարդկանց ընդմիջում անել եւ ժամանակ առ ժամանակ նստել։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները