US Open. Շարապովան ու Մուգուրուսան լքեցին պայքարը

Մարիա Շարապովան չկարողացավ դուրս գալ թենիսի ԱՄՆ-ի բաց առաջնության քառորդ եզրափակիչ:

Չորրորդ շրջանում ռուս թենիսիստուհին 3 սեթում պարտվեց լատվիացի Անաստասիա Սեւաստովային՝ 7:5, 4:6, 2:6: Մրցախաղը տեւեց 2 ժամ 16 րոպե: Քառորդ եզրափակիչում Սեւաստովան կմրցի ամերիկուհի Սլոան Ստիվենսի հետ:

Ուիմբլդոն-2017-ի հաղթող Գաբրինյե Մուգուրուսան եւս լքեց պայքարը: Իսպանուհու ճանապարհին կանգնեց չեխ Պետրա Կվիտովան, որը հաղթեց 7:6, 6:3 հաշվով: Կվիտովայի հաջորդ մրցակիցը կլինի ամերիկուհի Վինուս Ուիլյամսը, որն ուժեղ գտնվեց իսպանուհի Կարլա Սուարես-Նավարոյից (6:3, 3:6, 6:1):

NEWS.am Sport