Հայաստանի տարածքները թշնամուն հանձնելու խրախուսանքի հինգ դրսեւորումները. Էդգար Ղազարյան
Հայ ժողովրդի ամենամեծ թշնամի եւ ամենամեծ դավաճան Նիկոլ Փաշինյանի կողմից Արցախը թշնամուն հանձնելուց հետո գործի է դրվել Հայաստանի տարածքները թշնամուն հանձնելու նենգ ու դավադիր ծրագիրը։ Այս մասին ֆեյսբուքյան իր էջում գրում է ՍԴ աշխատակազմի նախկին ղեկավար Էդգար Ղազարյանը:
Նա, մասնավորապես, գրել է.
«Բնականաբար, դավաճանն այդ ամենը միայնակ իրագործել չի կարող, ուստի նրան պետք են աջակիցներ, ովքեր պետք է բավարար չափով վարձատրվեն եւ խրախուսվեն։ Հայաստանի տարածքները թշնամուն հանձնելու թիրախներից մեկը Տավուշի մարզն է։ Այդ գործը հաջողությամբ ավարտին հասցնելու համար Նիկոլ Փաշինյանը ՀՀ Տավուշի մարզպետ է նշանակել իր քավորին` Հայկ Ղալումյանին, իսկ նրա եղբորը՝ Վահե Ղալումյանին կարգել Ազգային ժողովի պատգամավոր, ավելին՝ դարձրել տարածքային կառավարման, տեղական ինքնակառավարման, գյուղատնտեսության եւ շրջական միջավայրի պահպանության հարցերի մշտական հանձնաժողովի նախագահ։
Թշնամուն տարածքներ հանձնելու մյուս մարզը՝ Գեղարքունիքն է։ 2021 թվականի ընթացքում թշնամին ոչ միայն ներխուժել է այդ հատվածում ՀՀ տարածք, այլեւ գերեվարել ու սպանել մեր զինվորներին, ՀՀ պետական սահմանից մի քանի կիլոմետր ներս ամրապնդել իր դիրքերը՝ կրակի տակ պահելով հայկական բնակավայրերը եւ պաշտպանական դիրքերը։ Այդ գործի արժանի խրախուսումը եղավ այն, որ Գեղարքունիքի մարզպետ Գնել Սանոսյանն առաջխաղացում է ունեցել՝ նշանակվելով ՀՀ տարածքային կառավարման եւ ենթակառուցվածքների նախարարի պաշտոնում։
Թիրախային մյուս մարզում՝ Արարատում, որտեղ մինչ օրս շարունակվում են սահմանային բախումները Երասխի հատվածում, ՀՀ Արարատի մարզպետ Ռազմիկ Թեւոնյանը խրախուսվել է՝ որդուն՝ Սեդրակ Թեւոնյանին Ազգային ժողովի պատգամավոր կարգելով։
Վայոց ձորի թշնամուն տարածքներ տալու հարցում խրախուսանքը բավարարվել է հայկական բանակի զինվորականների հետ պայքարի դուրս ելած սկանդալային պատմության հերոս ՀՀ Վայոց ձորի նախկին մարզպետ Տրդատ Սարգսյանին ԱԺ պատգամավոր դարձնելով, իսկ նրա եղբորը՝ նշանակելով մարզպետի տեղակալ, այն մարզպետի, որը հանդիսացել է Տրդատ Սարգսյանի փաստաբանը։
ՀՀ Սյունիքի մարզի մի շարք տարածքներ Սեւ լճից մինչեւ Մեղրի թշնամուն բարեհաջող հանձնելու գործի խրախուսանքը ՀՀ Սյունիքի մարզպետ Մելիքսեթ Պողոսյանի որդու ազատությունն է՝ չնայած քրեական գործով մեղադրյալ լինելու եւ հետախուզման մեջ գտնվելու հանգամանքին։
Իսկ այդ ամենին զուգահեռ Արցախի եւ Սյունիքի ինքնապաշտպանությունը կազմակերպած եւ մարտական գործողություններին մասնակցություն ցուցաբերած ՀՀ Սյունիքի մարզի համայնքների ղեկավարները կալանավորված են, անգամ զրկված են ազատությունից՝ Ազգային ժողովի պատգամավոր լինելով հանդերձ»։
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Մի շարք հասցեներում լույս չի լինի
Միայն այն, որ ես 73 տարեկան եմ, չի նշանակում, որ ես պետք է դադարեմ սեքսով զբաղվել
Հնդկաստանի 1.4 միլիարդ բնակչության անունից խորին երախտագիտություն եմ հայտնում նախագահ Թրամփին. Մոդի
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Հայաստանի դպրոցների ավելի քան 80 տոկոսում նախատեսվում է ներդնել ԱԲ կրթական մոդուլներ
Պոլիտեխնիկի նախակրթարանում իրականացվում են բարեկարգման և արդիականացման աշխատանքներ
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)