Դպրոցը կփակեն, երիտասարդությունն էլ կարտագաղթի. Զովունիի 9 աշակերտ ունեցող դպրոցը կփակվի
Կոտայքի մարզի Զովունի գյուղի դպրոցականները սեպտեմբերի 1-ից այլ դպրոցում դասի կգնան: Դպրոցների օպտիմալացման արդյունքում գյուղի 9 աշակերտ ունեցող դպրոցը կփակվի եւ նրանք ստիպված կլինեն ամեն օր 5 կիլոմետր ճանապարհ անցնել՝ հարեւան գյուղի դպրոց հասնելու համար:
«Դպրոցը տեխնիկական անձնակազմի հետ միասին 12 աշխատող ունի, դեռ նրանք էլ չգիտեն, թե ինչ են անելու այն փակվելուց հետո: Երեխաները երեւի դպրոց կգնան հարեւան Հատիսի դպրոց, որը մեր գյուղից 5 կիլոմետր է հեռու, թե ոնց են հասնելու այդ գյուղ, չեմ կարող ասել, այդ մասին ոչինչ չգիտեմ»,-NEWS.am-ի հետ զրույցում ասաց Զովունիի գյուղապետ Սեդրակ Սաֆարյանը:
Զովունիի դպրոցի ֆիզիակայի ուսուցչուհի Նարինե Սահակյանի համար էլ անակնկալ էր գյուղի դպրոցի փակվելու մասին որոշումը: Նրա խոսքով, այս քայլն առաջին հերթին հոգեբանական ծանր ազդեցություն կունենա հենց աշակերտների վրա, որոնք ստիպված են լինելու ամեն օր երկար ճանապարհ անցնել, նոր միջավայրում սովորել. «Պետք է առաջին հերթին հաշվի առնել երեխայի հոգեբանական վիճակը, չեմ կարծում, որ նրանց տեղափոխելու որոշումը ճիշտ է»:
Նարինե Սահակյանի խոսքով, դպրոցի փակումը կազդի նաեւ գյուղի արտագաղթի ավելացմանը. «Դպրոցը կփակեն, ծերերը կմնան, երիտասարդությունն էլ կարտագաղթի»:
Նրա խոսքով, եթե դպրոցը փակելու որոշում չկայացվեր գյուղն այս տարի կունենար 3 առաջին դասարանցի եւ դպրոցի աշակերտների ընդհանուր թիվը կլիներ 12-ը: Նարինե Սահակյանը նաեւ կարեւորեց այն հանգամանքը, որ դպրոցի 12 հոգանոց անձնակազմը մնալու է առանց աշխատանքի, իսկ առջեւում սեպտեմբերի 1-ն է եւ իրենք այդ մասին նոր են իմանում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները