ԱԱ. Լեւան Բերիանիձեն կիսաեզրափակիչում է

125 կգ քաշային Լեւան Բերիանիձեն Փարիզում ընթացող աշխարհի առաջնության կիսաեզրափակչում է։

Հայաստանի ներկայացուցիչը քաառորդ եզրափակիչում գոտեմարտեց Ղրղզստանի ներկայացուցիչ Այալ Լազարեւի հետ եւ հաղթեց 4։1 հաշվով։

Առաջին մրցափուլում Լեւան Բերիանիձեն որեւէ հնարավորություն չտվեց մրցակցին եւ մրցափուլն ավարտեց 3։0 հաշվով։ Երկրորդ մրցափուլում Լեւան Բերիանիձեն եւս մեկ միավորով առաջ անցավ հաշվի մեջ, սակայն պասիվության նկատողություններով մեկ միավոր զիջեց Ղրղզստանի ներկայացուցչին՝ գոտեմարտն ավարտելով 4։1 հաշվով:

125 կգ քաշային Լեւան Բերիանիձեն աշխարհի առաջնության քառորդ եզրափակիչ մտել էր առանց գոտեմարտելու։ Լեւան Բերիանիձեի մրցակից Սլովակիայի ներկայացուցիչ Սոսլան Գագլոեւն չներկայացավ գոտեմարտին եւ հաղթանակը մեխանիկորեն տրվեց Լեւան Բերիանիձեին։

Կիսաեզրափակիչում Հայաստանի վրացի ներկայացուցիչը կհանդիպի Վրաստանի ներկայացուցիչ Գենո Պետրիաշվիլիի հետ։