Այս ամենից հետո սենտիմենտալ դաշտ տեղափոխվելը ձեռառնոցի է.Սոս Հակոբյանը՝ Փաշինյանի շնորհավորանքին արձագանքելու մասին
Քաղաքական ճգնաժամն ընտրություններով հաղթահարված համարել չի կարելի, քանի որ ճգնաժամի առաջացման պատճառները լուծված չեն: Այս մասին NEWS.am-ի հետ զրույցում ասաց «Հայրենիք» կուսակցության մամուլի քարտուղար Սոս Հակոբյանը:
«Ճգնաժամը պայմանավորված է Արցախի Հանրապետության մեծ մասի կորստով, Արցախի կարգավիճակի հարցում և բանակցային գործընթացում որոշակիության բացակայությամբ՝ Հայաստանի դիրքորոշման մասով, և վերջերս նաև Հայաստանի տարածքային ամբողջականության խնդրով: Դրանք են անորոշության և ներքին քաղաքական ճգնաժամի աղբյուրները, որոնք չեն կարող լուծվել ընտրությունների միջոցով»,- նշեց նա:
Սոս Հակոբյանի խոսքով՝ ատելության խոսքի հիմնական աղբյուրը մշտապես հենց իշխանությունն է եղել՝ ի դեմս Նիկոլ Փաշինյանի:
«Այդ մշակույթը ներմուծողն ու տարածողը այդ նույն մարդն է: Եթե նա զսպի իր խոսույթը և այլ մակարդակով հանդես գա, որը քիչ հավանական է՝ հաշվի առնելով հետագիծը, ապա առհասարակ հանրապետությունում քաղաքական մշակույթը այդքան ցածր մակարդակի վրա չի լինի»,- ասաց Սոս Հակոբյանը:
«Հայրենիք» կուսակցության խոսնակն ընդգծեց, որ խորհրդարանական գործունեության ընթացքում «Պատիվ ունեմ» դաշինքը քննդատելու է բոլոր այն նախագծերը, որոնք հստակ խնդիր են առաջացնելու Հայաստանի Հանրապետության քաղաքացու համար։
«Իսկ եթե ինչ-որ հրաշքով լինի որևէ նախագիծ կամ նախաձեռնություն, որը օգուտ է բերելու Հայաստանին, բնական է՝ մենք չենք փորձելու մենակ քարկոծել զուտ այն բանի համար, որ դա մեր հակառակորդների բերածն է: Իսկ ինչ վերաբերում է արտերկրում միջխորհրդարանական գործունեությանը, այդ ժամանակ միակ խնդիրը լինելու է Հայաստանի Հանրապետության շահը առաջ տանելը, այլ ոչ թե ներքաղաքական խնդիրների քննարկումը: Սա մեր մոտեցումն է, որը, կարծում եմ, շատ ավելի գործնական է, քան ձեռք սեղմել-չսեղմելու մասին խոսելը»,- նշեց Հակոբյանը:
Հարցին, թե կպատասխանի ընդդիմադիր դաշինքը Նիկոլ Փաշինյանի շնորհավորանքին, Հակոբյանը պատասխանեց. «Իհարկե՝ ոչ։ Այս ամենից հետո ինչ-որ սենտիմենտալ դաշտ տեղափոխվելը նման է ձեռառնոցու»։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է