Երեխաների ու դեռահասների 3.5%-ն արդեն բարձր ճնշում ունի
Հիպերտոնիան մեծահասակների հիվանդություն է համարվում, բայց վերջին շրջանում այն ավելի ու ավելի հաճախ են ախտորոշում երեխաների ու դեռահասների մոտ: ԱՄՆ-ում երեխաների 3.5%-ն արդեն տառապում է հիպերտոնիայով: Նախկինում գիտնականները կարծում էին, որ հիպերտոնիայով տառապում է երեխաների ու դեռահասների շուրջ 1.2%-ը:
Բարձր զարկերակային ճնշումը հաճախ «լուռ մարդասպան» են կոչում, քանի որ այն կարող է որեւէ ախտանշան չունենալ, բայց հանգեցնել առողջական լուրջ խնդիրների՝ մեծացնելով սիրտ-անոթային հիվանդությունների զարգացման վտանգը: Սովորաբար այս հիվանդությունը գրանցվում է միջին եւ բարձր տարիքի մարդկանց մոտ, բայց հիմա հիպերտոնիայով ավելի ու ավելի հաճախ են տառապում նաեւ երեխաները:
Մասնագետներն ընդգծում են, որ երեխայի մոտ հիպերտոնիա հայտնաբերելուց հետո բժիշկները կարող են սկսել բուժել այն: Բուժման մեթոդները բավական շատ են, դրանցից որոշները՝ շատ արդյունավետ: Սակայն քանի որ հիպերտոնիան կարող է տարիներ շարունակ ախտանշաններ չունենալ, երբեմն այն բավական ուշ են ախտորոշում: Այդ պատճառով էլ Մանկաբուժության ամերիկյան ասոցիացիայի անդամները բժիշկներին խորհուրդ են տալիս երեխաների ու դեռահասների ճնշումը չափել նույն պարբերականությամբ, ինչ միջին եւ բարձր տարիքի մարդկանց:
Բժիշկները նշում են, որ չբուժված հիպերտոնիան բացասական ազդեցություն է ունենում սրտի, ուղեղի եւ երիկամների վրա: Բայց պատանի տարիքում ճնշումը կարելի է հաջողությամբ վերահսկողության տակ պահել՝ կենսակերպի փոփոխության, սննդի եւ ֆիզիկական ծանրաբեռնվածության մակարդակի կարգավորման հաշվին:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները