Նստակյաց կենսակերպն առանձնապես վտանգավոր է տարեց մարդկանց համար
Նստակյաց կենսակերպը մեծացնում է մահվան վտանգը, հատկապես միջին տարիքի եւ տարեց մարդկանց պարագայում, պարզել են կանադացի գիտնականները:
Մասնագետները որոշել են նորովի ուսումնասիրել առողջության համար ֆիզիկական ակտիվության օգտակարությունը. ոչ թե ակտիվ կենսակերպից օգուտի, այլ վնասի տեսանկյունից, որը կարող է հասցնել մշտապես նստած կամ պառկած կենսակերպը:
Հետազոտողներն ուսումնասիրել են 50 տարեկանն անց 3141 մարդկանց տվյալները: Կամավորների ակտիվությանը հետեւել են ֆիթնես-թրեքերների օգնությամբ: Տվյալները հավաքել են 2003-2004 եւ 2005-2006 թվականներին, այնուհետեւ գիտնականները փորձի մասնակիցներին հետեւել են մինչեւ 2011 թվականը կամ նրանց մահը:
Մասնագետների եզրահանգումները հետաքրքիր են եղել. սակավ շարժունակ կենսակերպ վարող մարդկանց մոտ մահվան վտանգը մեծանում է: Իսկ նրանք, ովքեր ժամանակին ակտիվ ֆիզիկական ծանրաբեռնվածություն են ունեցել, նստած կենսակերպով իրենց չեն վնասում:
«Երկարատեւ նստելը մահվան բարձր վտանգի հետ կապ ունի միայն խոցելի կամ թույլ մարդկանց պարագայում, որոնք չեն հետեւել 2.5 ժամ շարունակ չափավոր ֆիզիկական ծանրաբեռնվածության մասին խորհրդին»,- հաղորդել են հետազոտության հեղինակները:
Գիտնականները կարծում են, որ բժիշկները պետք է մարդկանց զգուշացնեն սակավ շարժունակ կենսակերպի վնասի մասին, ինչպես զգուշացնում են ծխախոտի կամ ալկոհոլի օգտագործման հնարավոր բացասական հետեւանքների մասին: Կանադացիները տարեց մարդկանց կյանքը երկարացնելու ամենապարզ եւ օպտիմալ միջոցը համարում են զբոսանքը, նույնիսկ տանը քայլելը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները