Կրակոցներ Արարատի մարզում. հայտնաբերվել է 27 հատ պարկուճ. կրակողը դիմել է փախուստի

Shamshyan.com-ը գրում է. Երեկ՝ օգոստոսի 20-ին, կրակոցներ են հնչել Արարատի մարզում։ Ժամը 00։30-ի սահմաններում Ոստիկանության Արարատի մարզային վարչություն ահազանգ է ստացվել, որ Արևաշատ գյուղում կրակոցներ են հնչում։ Պարզվել է, որ անհայտ անձը դեռևս չպարզված հրազենից կրակոցներ է արձակել նույն գյուղի բնակիչ՝ 56-ամյա Մենորա Մարտիրոսյանի տան ուղղությամբ։ Գ. Շամշյանի տեղեկություններով՝ կրակոցներ արձակողը այնուհետև դիմել է փախուստի։ Ըստ տեղեկությունների՝ բարեբախտաբար, զոհեր և վիրավորներ չկան, սակայն կրակոցների հետևանքով կոտրվել են Մ. Մարտիրոսյանի տան պատուհանի ապակիները և վնասվել է 34-ամյա Գեղամ Սարգսյանին պատկանող, այնտեղ կայանված Opel Vectra մակնիշի ավտոմեքենան։ Հայտնաբերել են 5.45 մմ տրամաչափի 27 հատ պարկուճ։ Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու ուղղությամբ։

Առավել մանրամասն` սկզբնաղբյուր կայքում