Ես համոզված եմ Հադրութը վերադարձնելու հնարավորության մեջ. Ռոբերտ Քոչարյան
Ես մեծ վստահություն ունեմ Հադրութը վերադարձնելու հնարավորությունների մեջ, Շուշին վերադարձնելու գործում վստահ եմ կիսով չափ: Այդ մասին հունիսի 13-ին Տավուշի մարզի Դիլիջան քաղաքում նախընտրական քարոզարշավի ընթացքում հայտարարել է երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը:
Նա պարզաբանել է, որ այդ հարցի լուծումն իրավական ճանապարհով նախկին ԼՂԻՄ-ի սահմանների շրջանակում հնարավոր է, եւ դրա համար կան համապատասխան փաստարկներ: Դա, նրա խոսքով, կարող է տեւել երկու տարի:
«Սակայն լուրջ բանակցություններ վարելու համար անհրաժեշտ է վերականգնվել եւ կարգավորել հարաբերությունները դաշնակիցների հետ: Դրանից անմիջապես հետո դուք կտեսնեք, որ նշված հարցերի լուծումը հնարավոր է: Չեմ տեսնում, որ ինչ-որ մեկն այդ հարցը կարողանար լուծել ավելի լավ, քան ես: Ինչ վերաբերում է Արցախից տեղահանվածների խնդիրներին կարճաժամկետ հեռանկարում, ապա այժմ իրացվում են ծրագրեր՝ կացարանով ապահովմանն ուղղված: Ես անձամբ եմ բանակցություններ վարում Ռուսաստանից խոշոր հայ գործարարների հետ այդ հարցի շուրջ: Նախատեսվում է ընդլայնել Արցախի գյուղերը՝ կառուցելով եւս 150 տուն, օրինակ, Ախտաշեն գյուղում: Այդ նպատակների համար միջոցներն ուղղված կլինեն 100 միլիոն դոլարներից, որոնք մնացել են «Հայաստան» հիմնադրամում»,-նշել է Ռոբերտ Քոչարյանը:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
ԲՀԿ-ն դիմել է ՍԴ՝ վիճարկելու ընտրությունների արդյունքները