Երկրաշարժ` Սպիտակ քաղաքից 10 կմ հարավ-արևելք. ուժգնությունն էպիկենտրոնում կազմել է 3 բալ

Սույն թվականի օգոստոսի 16-ին՝ տեղական ժամանակով ժամը 05:07-ին (Գրինվիչի ժամանակով` 01:07-ին), ՀՀ արտակարգ իրավիճակների նախարարության Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 40.770 և արևելյան երկայնության 44.350 աշխարհագրական կոորդինատներով (Հայաստան, Սպիտակ քաղաքից 10 կմ հարավ-արևելք), օջախի 10 կմ խորությամբ, 2.5 մագնիտուդով երկրաշարժ:

Ինչպես տեղեկացնում է Արտակարգ իրավիճակների նախարարության մամուլի ծառայությունը, ստորգետնյա ցնցման ուժգնությունը էպիկենտրոնում կազմել է 3 բալ:

Հիշեցնենք, որ օգոստոսի 15-ին՝ տեղական ժամանակով ժամը 07:51-ին երկրաշարժ էր գրանցվել Ամասիա քաղաքից 8 կմ արևելք։ Երկրաշարժի ուժգնությունն էպիկենտրոնում կազմել էր 3-4 բալ։