Մխիթարաշենն ապրում է կրակոցների տակ. համայնքապետ
Ասկերանի շրջանի Մխիթարաշեն համայնքի բնակիչների 80 տոկոսը վերադարձել է գյուղ:
Այս մասին «Արցախպրես»-ի թղթակցի հետ զրույցում ասել է Մխիթարաշենի համայնքի ղեկավար Մխիթար Առստամյանը:
Նրա խոսքով՝ մինչ պատերազմը գյուղացիներն ակտիվորեն զբաղվում էին անասնապահությամբ և գյուղատնտեսությամբ, պատերազմից հետո, հաշվի առնելով այն հանգամանքը, որ 77 հա տարածք մնացել է թշնամու վերահսկողության ներքո, ճարահատ տնամերձ հողատարածքներում քիչ քանակությամբ բանջարաբոստանային կուլտուրաներ են աճեցնում: «Գյուղում դպրոց և մանկապարտեզ չկա: Դպրոցահասակ 13 երեխաներն այցելում են հարևան Շոշ գյուղի կրթօջախ. ունենք ընդհանուր օգտագործման մեքենա, որը երեխաներին փոխադրում է:
Գյուղում գործում է բուժկետը և ակումբը: Պատերազմի ժամանակ բնակելի տների գրեթե 90 տոկոսը վնասվել է, մեկը՝ ամբողջովին ավերվել: Այս պահին վերականգնման աշխատանքներ են տարվում. ավարտված են երեք տների շինաշխատանքները: Մենք այնքան մոտ ենք թշնամուն, որ անգամ նրանց մուղամների ձայներն ենք լսում: Ամեն օր կրակոցներ են լինում՝ վախեցնելու նպատակով: Գյուղն անվտանգ չէ: Կանայք վախի մեջ են ապրում»,- ավելացրել է Մ. Առստամյանը:
Տեղեկացնենք, որ հենց հարցազրույցի ընթացքում թշնամին հերթական անգամ կրակ բացեց:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Գարեգին Երկրորդի եղբոր կալանքը 2 ամսով երկարաձգվեց
Մի շարք հասցեներում լույս չի լինի
Իրանում վերականգնվել է ինտերնետային կապը
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ